Name: Thalapakatti mutton briyani recipe by Nancy Samson in Tamil at BetterButter
Prep time: 30 min
Cook time: 60 min
Total time: 90 min
Yield: 4
Ingredients: மட்டன் - 1/2 கிலோ; சீரக சம்பா அரிசி - 2கப்; இஞ்சி பூண்டு விழுது - 1/2 + 2மேசைக்கரண்டி; மஞ்சள் தூள் - 1/2 தேக்கரண்டி; கல் உப்பு - 1/2 + 2 தேக்கரண்டி; தண்ணீர் - 4 கப்; பட்டை - 2 துண்டு; கிராம்பு - 5; ஏலக்காய்- 3; ஜாதிக்காய் தூள் - 1/2 தேக்கரண்டி; ஜாதிபத்ரி - 1/4 பாகம் உடைத்தது; மிளகு - 1/2 தேக்கரண்டி; அன்னாசி பூ - 2 இதழ்கள்; மிளகாய் தூள் - 1 மேசைக்கரண்டி; மல்லித்தூள் - 1 மேசைக்கரண்டி; நறுக்கிய சின்ன வெங்காயம்- 2 கப்; நறுக்கிய தக்காளி - 1 கப்; நறுக்கிய கொத்தமல்லி இலை - 1 கப்; நறுக்கிய புதினா - 1 கப்; கீறிய பச்சை மிளகாய் - 5; புளிப்பில்லாத கெட்டி தயிர் - 1/4 கப்; பிரிஞ்சி இலை - 2; சீரகம் - 1 தேக்கரண்டி; சோம்பு - 1 தேக்கரண்டி; நெய் - 3 மேசைக்கரண்டி; எண்ணெய் - 1/2 கப்; எலுமிச்சை சாறு - அரை பழத்தில் எடுத்தது

மட்டனை கழுவி சுத்தம் செய்து , 1/2 தேக்கரண்டி உப்பு, 1/4 தேக்கரண்டி மஞ்சள் தூள், 1/2 தேக்கரண்டி இஞ்சி பூண்டு விழுது சேர்த்து குக்கரில் 5 அல்லது 6 விசில் வைத்து இறைச்சி மென்மையாகும்வரை வேக வைக்கவும்.

வேகவைத்த இறைச்சியை அதன் சாறுடன் தனியே எடுத்து வைக்கவும்.

இறைச்சி வேகும் நேரத்தில், கொடுக்கப்பட்ட அளவுகளில் உள்ள பட்டை, கிராம்பு, ஏலக்காய், ஜாதிக்காய் தூள், மிளகு, ஜாதிபத்ரி, அன்னாசி பூ, மஞ்சள் தூள், மிளகாய் தூள், தனியா தூள் ஆகியவற்றை தண்ணீர் சேர்க்காமல் மிக்ஸியில் பொடி செய்து கொள்ள வேண்டும்

அரிசியை நன்கு கழுவி 45 நிமிடங்கள் ஊற வைக்கவும்.(சீரக சம்பா இல்லாததால் நான் பாசுமதி உபயோகித்துள்ளேன், சீரக சம்பா அரிசியே இதற்கு உகந்தது)

ஒரு அடி கனமான பாத்திரத்தை அடுப்பில் வைத்து சூடு ஏறியதும், எண்ணெய் ஊற்றி காய்ந்ததும், பிரிஞ்சி இலை, சீரகம், சோம்பு சேர்க்கவும்.

சீரகம் சோம்பு பொரிந்ததும், பச்சை மிளகாய், இஞ்சி பூண்டு விழுது சேர்த்து நன்கு வதக்கவும்.

இஞ்சி பூண்டு விழுது பொன்னிறமாக வதங்கியதும், நறுக்கிய சின்ன வெங்காயம், நறுக்கிய கொத்தமல்லி புதினா இலைகளை சேர்த்து வெங்காயம் பொன்னிறமாக மாறும் வரை வதக்கவும்.

இப்போது நறுக்கிய தக்காளி, கெட்டி தயிர் ஒன்றன்பின் ஒன்றாக சேர்த்து வதக்கவும்.

வதக்கிய கலவை நன்கு ஒன்றோடு ஒன்று கலந்து மசிந்து எண்ணெய் பிரிந்து வரும்போது அரைத்த மசாலா தூளை சேர்த்து 2நிமிடங்கள் வதக்கவும்.

பின் அவித்த இறைச்சியை நீரை வடித்து, வதக்கிய மசாலாவுடன் சேர்த்து 2 நிமிடம் மூடி வைக்கவும்.

இறைச்சியின் சூப்பினை அரிசியை அளந்த அதே அளவையில் 4கப் அளந்து இறைச்சி மசாலாவில் சேர்த்து மூடி போட்டு கொதிக்க வைக்கவும். சூப் போதவில்லை என்றால் நீர் சேர்த்து கொள்ளலாம்.