రవ్వ బాల్స్

ముందుగా 3 చిన్న కప్స్ నీళ్ళు ఒక బాండీ లో పోసి బాగా మరుగు తూ ఉండగా అందులో, చిన్న అంగుళం ముక్క అల్లం తురిమి వేసి, ఒక 5/6 మిరియాలు ఫ్రెష్ గా పొడి చేసి వేసుకొని,కొద్దిగా ఉప్పు వేసుకోవాలి. యే కొలత తో నీరు పోశారో ఆ కప్పు తో 2 కప్స్ రవ్వని పోసి వెంటనే స్టవ్ బంద్ చేసి ఆ మిశ్రమాన్ని బాగా ఉండలు లేకుండా చేత్తో కలుపు కోవాలి. కరెక్ట్ గా నీరు తిసుకుంటే సరిగ్గా వొస్తుంది.

ఈ మిశ్రమాన్ని 4 నిమిషాలు మూత పెట్టి వొదిలెయ్యండి. 4 నిమిషాలు అయ్యాక,కొంచెం వేడిగా ఉన్నప్పుడే చేతికి కొంచెం నూనె రాసి, పిండి ని బాగా మెత్తగా అయ్యే దాకా కలిపి, వాటిని (చిన్న గులబ్ జామూన్ కంటే )చిన్న వి ఉండలుగా చేసుకోవాలి.

ఇప్పుడు ఈ ఉండలని ఆవిరికి ఉడికించుకోవాలి. దాని కోసం ఒక పాత్ర లో గ్లాస్ నీరు పోసి స్టవ్ పైన ఉంచి, చిల్లులు ఉన్న పళ్ళెంలో పై న చాలా కొద్దిగా నూనె ను రాసుకోండి.

తయారు చేసుకున్న ఉండలు పెట్టి 10 నిమిషాలు సన్నని సెగ మీద ఆవిరి పట్టాలి ( వాటిని ముట్టుకొని చూస్తే స్పాంజ్ బాల్స్ లాగా మెత్తగా) బాల్స్ గా తయారు అవుతాయి.

ఇప్పుడు తిర్గమూత కు కావాల్సిన పదార్థాలు సిద్ధం చేసుకోండి.

ఒక బాండీ పెట్టుకొని అందులో ఒక చెంచాడు నేను వేసుకోండి, కాగిన తర్వాత 2 మెంతి గింజలు, చైనా చెంచాడు ఆవాలు, జీలకర్ర, మినపప్పు,ఒక మిరపకాయ, చిటికెడు ఇంగువ, రెండు కరివేపాకు రెమ్మలు, కొంచెం ఎండు కొబ్బరి, 1/2 చెంచాడు సాంబారు పొడి మరియు ఎండు కారం , చిటికెడు చెక్కర వేసి సన్నని సెగ మీద పోపుని వేయించుకోండి.

తయారు చేసిన పోపులో ఉడికించి పెట్టుకున్న రవ్వ ఉండలని వేసి కలుపుకోండి. అంతే ఎంతో రుచికరమైన మరియు పిల్లలకి ఎంతో ప్రీతికరమైన రవ్వ బాల్స్ రెడి. మీరు చేసుకొని ఆనందించండి.