Name: Chick peas snacks recipe by Swapna Tirumamidi in Telugu at BetterButter
Prep time: 10 min
Cook time: 20 min
Total time: 30 min
Yield: 6
Ingredients: కొమ్ము శనగలు 1/4 కేజీ; పచ్చి మిర్చి 6; అల్లం ముక్క 2అంగుళాలంత; జీలకర్ర ఒక చెంచా; తరిగిన ఉల్లిపాయ ముక్కలు; కరివేపాకు గుప్పెడు; ఉప్పు సరిపడా; కాస్త పసుపు; వేయించడానికి సరిపడా నూనె.

మసాలా గారెలు(శనగవడలు) రెసిపీ గురించి

శ్రావణమాసం అంతా ప్రతి ఇంట్లో శనగలతో చేసిన పదార్థాలు తినడం సాంప్రదాయం గా వస్తోంది కదా.ఈ రోజుల్లో అంటే ఏది తినాలనుకుంటే అది క్షణం లో దొరికేస్తోంది...అప్పట్లో ఇలా కాదు కదా.మామిడి పండ్లు,పనసపండు తినాలంటే ఎండాకాలం దాకా ఎదురు చూపే మరి.....శనగలు పండి ఇంటికి చేరాలంటే తొలకరి జల్లు పడాల్సిందే.శనగపంట ఇంటికి రాగానే మామ్మగారు చక్కటి వడలు చేసిపెట్టేవారు.ఇప్పుడు నేను శనగవడలు (మసాలాగారెలు) తో మీముందు కొచ్చా.

కావలసినవి సర్వింగ: 6

కొమ్ము శనగలు 1/4 కేజీ
పచ్చి మిర్చి 6
అల్లం ముక్క 2అంగుళాలంత
జీలకర్ర ఒక చెంచా
తరిగిన ఉల్లిపాయ ముక్కలు
కరివేపాకు గుప్పెడు
ఉప్పు సరిపడా
కాస్త పసుపు
వేయించడానికి సరిపడా నూనె.

సూచనలు

ముందురోజు శనగలు శుభ్రం చేసి నానపెట్టుకోవాలి.
మర్నాడు శనగలు వడపోసి పక్కన ఉంచాలి.
ఇప్పుడు మిక్సీ జార్లో శనగలు ,కొద్దిగా జీలకర్ర, అల్లంముక్క ,ఉప్పు, పసుపు కాస్త,పచ్చి మిర్చి వేసి నీరు లేకుండా గట్టిగా రుబ్బుకోవాలి. కాస్త పలుకుగా రుబ్బుకుంటే వడలు కరకరలాడతూ బావుంటాయి.
ఇప్పుడు ఆ రుబ్బిన ముద్ద ని గిన్నీలోకి తీసుకుని ఉప్పు సరి చూసి, ఉల్లి పాయ ముక్కలు,కరివేపాకు ని సన్నగా తరిగివేసి మిగిలిన జీలకర్ర వేసి కావాలంటే పచ్చి మిర్చి ముక్కలు కూడా వేసి బాగాకలిపి పక్కన పెట్టాలి.
మూకుడు పొయ్యిమీద పెట్టి నూనె పోసి బాగా కాగిన తరువాత మంటను కాస్త తగ్గించి తయారు చేసుకున్న ముద్దని ఒక చెంచాడు చప్పున తీసుకొంటూ అరచేతిలో వడల్లా వత్తి నూనెలో వేయించుకోవాలి. బాగా పలచగా లేదా బాగా లావుగా కాకుండా మధ్యస్తంగా వత్తి వేయాలి. ఎర్రగా వేగిన తరువాత వేడివేడిగా వడ్డించడమే..చట్నీ గిట్నీలు అవసరం లేకుండానే అరడజను సులువుగా తినవచ్చు.

వంట ప్రారంభిద్దాం