Name: Pala kayalu/.Butter balls recipe by Swapna Tirumamidi in Telugu at BetterButter
Prep time: 30 min
Cook time: 45 min
Total time: 75 min
Yield: 4
Ingredients: మెత్తని వరిపిండి 1 కప్పు; వాము 1 చెంచా; మినప పిండి 1 చెంచా(చాయమినపప్పు మిల్ పట్టించింది); బటర్ 100 గ్రా(అమూల్ బటర్ వాడాను.); తెల్ల నువ్వులు అర చెంచా(అవసరం అనుకుంటే)నేను వేసాను.; చియా సీడ్స్ అరచెంచా (అవసరమైతే)నేను వేసాను మంచిదని +,కొత్తదనం కోసం.; ఉప్పు 1 చెంచా; చిటికెడు ఇంగువపొడి.; వేయించడాని నూనె....1/2 లీటర్

పాలకాయలు/వెన్నవుండలు రెసిపీ గురించి

ఈ పాలకాయలు కృష్ణాష్టమికి చేసుకునే స్పెషల్ వంటకం....మంచి స్నాక్ ఐటమ్ కూడా...పళ్ళు వస్తున్న చిన్నపిల్లలకు ఇవి ఒక్కొక్కటి ఇస్తే నోటిలో ఇతర వస్తువులు పెట్టుకోరు..పైగా వాము, ఇంగువ, వెన్న లాంటివి చంటిపిల్లలకు ఆరోగ్యానికి మంచివి....అలాగే స్కూల్కి వెళ్లే పిల్లలకు ,ఆఫీసు కి వెళ్లే పెద్దలకు భోజనం కేరేజ్ సద్దినప్పుడు వారి టీ టైం లో తినడానికి బెస్ట్ ఐటమ్ ఇవి.అలాగే పిల్లలకు మనం 2 డబ్బాలు సద్దుతాం కదా... ఫస్ట బ్రేక్/స్మాల్ బ్రేక్ లో తినడానికి .ఈ పాలకాయలు ఈ సారి సద్ది ఇవ్వండి...ఇక పిల్లలు ఇంటికి రాగానే అమ్మా మా ఫ్రెండ్స్ అందరూ మీ అమ్మ సూపర్ అన్నారు అని చెపుతారు.కానీ బాక్సు లో ఎపుడు సద్దకు అమ్మా ..ఒక్కటికూడా తిననివ్వట్లేదు మా ఫ్రెండ్స్ అని కూడా అంటారు...పిల్లలకు అంత నచ్చే ఐటమ్.ఇది సాధారణంగా అరిసెలకి వాడే పిండిని వాడతారు.కొన్ని సార్లు వేయిస్తున్నప్పుడు పేలుతూ ఉంటాయి కాబట్టి జాగ్రత్త.ఇప్పుడు నాకు సమయాభావం వల్ల మామూలు వరిపిండి ని ఎంచుకున్నాను.ఇక్కడ నేను 2 రకాల ఫోటోలు పెట్టాను...బాల్స్ లావున్నవి ,....సిలెండర్ లావున్నవీను.వీటిలో చియా సీడ్స్ వేసి చేసాను......బాల్స్ లావున్నవాటిలో వెయ్యలేదు. అందుకే ఆనవాలు కోసం మరియు అసలు పాలకాయలు షేప్ మీకు చూపడానికి ఇలా రెండురకలుగా చేయడం జరిగింది.

కావలసినవి సర్వింగ: 4

మెత్తని వరిపిండి 1 కప్పు
వాము 1 చెంచా
మినప పిండి 1 చెంచా(చాయమినపప్పు మిల్ పట్టించింది)
బటర్ 100 గ్రా(అమూల్ బటర్ వాడాను.)
తెల్ల నువ్వులు అర చెంచా(అవసరం అనుకుంటే)నేను వేసాను.
చియా సీడ్స్ అరచెంచా (అవసరమైతే)నేను వేసాను మంచిదని +,కొత్తదనం కోసం.
ఉప్పు 1 చెంచా
చిటికెడు ఇంగువపొడి.
వేయించడాని నూనె....1/2 లీటర్

సూచనలు

ముందుగా వరిపిండి ని జల్లించి మెత్తని పిండిని తీసుకుని ఒక బౌల్ లో వేసుకోవాలి.
అందులో బటర్ ని కరిగించి పిండిలో వేసి మొత్తం కలిసేలా చేతితో బాగా కలపాలి.
అందులో ఇప్పుడు ఉప్పు,వాము,నువ్వులు,చియసీడ్స్,ఇంగువ...వేసి కలిపి కొద్ది కొద్దిగా నీళ్లు పోసుకుంటూ ముద్దలా గట్టిగా,చేతికి అంటుకోకుండా ఉండేలా కలుపుకోవాలి మూత పెట్టి ఉంచాలి.
ఇప్పుడు వేయించడానికి మూకుడు పెట్టి ఆయిల్ పోసి వేడిచెయ్యాలి.మిడియం మంట కి కాస్త తక్కువగా పెట్టి ఉంచాలి.
ఈ లోగా కలిపిన పిండిని 3 భాగాలు చేసి..ఒక భాగాన్ని చేతిలోకి తీసుకుని చిన్న గోళిక్కాయలంత సైజు లో గుండ్రంగా కానీ,అదే మోతాదులో సిలెండర్ ఆకారంలో కానీచేసుకొని పెట్టుకోవాలి.
ఇప్పుడు నూనె లో మెల్లగా జారవిడిచి ,వెంటనే కలపకుండా ఒక నిముషం ఆగి కలిపితే విడి విడిగా అవుతాయి.అవి అలాగే సన్నమంట మీదే వేగనివ్వాలి.ఒక్కొక్క వాయ వేగడానికి 12 నుంచి 15 నిమిషాలు పడుతుంది.
బంగారు రంగు రాగానే తీసి టిష్యూ మీద వేసుకుని పెట్టుకోవాలి,మంట తగ్గించి ఉంచాలి....మొదటి వాయ వేగే లోపు రెండవ భాగం తీసుకొని ఉండలు చేసి ఉంచాలి.
ఇప్పుడు రెండోవాయ ఉండలు నూనెలో వేసి,3 వ భాగాన్ని కూడా ఉండలు తయారుచేసుకోవాలి.
ఎర్రగా అయ్యే వరకూ వెయిస్తే గట్టిగావుంటాయి. పెద్ద మంట వల్ల పైన వేగి, లోపల ఉడకవు. అందుకే బంగారు రంగు వచ్చినవెంటనే తీసేయాలి...ఇలా వేయించినవి చల్లారాక గాలితగలని డబ్బాలో దాచుకోవాలి.అంతే..గుల్లగా కరకర లాడే పాలకాయలు తయారు.

వంట ప్రారంభిద్దాం