Name: Jujube Redchilli Pickle recipe by Pravallika Srinivas in Telugu at BetterButter
Prep time: 60 min
Cook time: 10 min
Total time: 70 min
Yield: 10
Ingredients: రేగిపండ్లు 1 kg; ఉప్పు 1 t glass; పండుమిరపకాయలు 1/4 kg; నూనె 2 tbsp; పోపు దినుసులు 1 tbsp; కర్వేపాకు 1 రెబ్బలు; ఇంగువ 1 pinch; పసుపు 1 pinch; వెల్లుల్లిరెబ్బలు 4

రేగిపండు పండుమిర్చి తొక్కు పచ్చడి రెసిపీ గురించి

రేగిపండ్లలోని ఐరన్ & ఫాస్ఫరస్ వలన ఎర్రరక్తకణాలు వృద్ధి చెందుతాయి. అందువలన ఐరన్ రక్తహీనత అజీర్తి & కండరాల సమస్య ఉన్నవారు ఈ రేగిపండు తీసుకోవడం వలన వాటిని అరికట్టవచ్చు.

సూచనలు

ముందుగా పుల్లని నాటు రేగిపండ్లని కడిగి పుచ్చులు, పుల్లలు ఏరివేయాలి. యండలో ఆరనివ్వాలి. పండుమిరపకాయలను తొడిమలు వలిచి కడిగి ఆరనివ్వాలి .
ఇప్పుడు పొడి రోట్లో రేగిపండు ఉప్పు వేసి బాగా దంచుకోవాలి. దీనిని దంచేటప్పుడు మెత్తగా కాకుండా కచ్చాపచ్చా గా దంచుకోవాలి. అన్ని రేగిపండ్లను దంచుకొని ఒక సీసాలో కానీ జాడి లో భద్రపరుచుకోవాలి.
ఇప్పుడు పచ్చడి కోసం తగినంత రేగి తొక్కు తీసుకొని రేగిగింజలు ఏరివేయాలి. రోట్లో పండుమిర్చి ఉప్పు వేసి కచ్చాపచ్చాగా నూరి ముందుగా సిద్ధం చేసిన రేగిగుజ్జును కూడా రోట్లో వేసి పండుమిర్చి కారంలో కలిసేవిధంగా దంచుకోవాలి. తయారైన మిశ్రమాన్ని ఒక గిన్నిలో తోడుకోవాలి.
ఒక కాలాయి పెట్టి నూనె వేసి కాగాక పోపుదినుసులు,కర్వేపాకు ,ఇంగువ, వెల్లుల్లిరెబ్బలు పసుపు వేసి చిటపటలాడాక పచ్చడి తో కలుపుకోవాలి. అంతే పిల్లలకు పెద్దలకు ఇష్టమైన రేగిపండు పండుమిర్చి తొక్కు పచ్చడి రెడీ.

వంట ప్రారంభిద్దాం