Name: Wheat flour halwa. recipe by దూసి గీత in Telugu at BetterButter
Prep time: 120 min
Cook time: 30 min
Total time: 150 min
Yield: 10
Ingredients: గోధుమపిండి - 1 కప్పు.; పంచదార : 2 కప్పులు.; నెయ్యి :. 1 కప్పు.; యాలుకల పొడి : 1/4 చెంచా.; జీడిపప్పు : 1/4 కప్పు.

గోధుమపిండి ని చపాతీ పిండిలా కలిపి ,అది మునిగేలా నీళ్ళు పోసి, మూత పెట్టి ,2 గంటల సేపు పక్కన ఉంచేయాలి.

పూర్తిగా 2 గంటలయింది తర్వాత ఆ పిండిని చేత్తో నీళ్ళలో బాగా నలుపుతూ ఉంటే చిక్కని గోధుమ పాలు వస్తాయి. ఆపాలు వడపోసి,పిప్పి పడేయాలి.

పంచదార లో 1/4 కప్పు పక్కన ఉంచి మిగతాది కొంచెం నీళ్ళు పోసి కరిగించాలి.

పంచదార అంతా కరిగి పాకం వచ్చే సమయంలో గోధుమ పాలను కొద్ది కొద్దిగా వేస్తూ కలపాలి.

ఈ లోగా పక్కన పెట్టిన 1/4 కప్పు పంచదార ను కేరమిల్ చేసి, అదికూడా గోధుమపాలు మిశ్రమంలో వేసి బాగా కలపాలి.దీనివలన హల్వా కి మంచి రంగు వస్తుంది.

నెయ్యి కరిగించి,గోరువెచ్చగా ఉన్న నెయ్యి హల్వాలో కొంచెం,కొంచెం వేస్తూ కలుపుతూ ఉండాలి.

హల్వా పాత్ర అంచులు విడిచి ,నెయ్యి వదులుతూ, గ్లాసీ గా తయారైతే హల్వా రెడీ అయినట్టే. అప్పుడు జీడిపప్పు,యాలుకల పొడీ వేసి స్టౌ ఆపేసి,నెయ్యి రాసిన పళ్ళెంలో లోకి తీసెయ్యాలి.

నోట్లో కరిగిపోయే గోధుమపిండి హల్వా రెడీ .