చీజ్ వెజ్జి మెకరోని/పాస్తా.

ముందు ఒక పెద్ద గిన్నీలోకి 4 కప్పుల నీళ్లు పోసి పొయ్యిమీద పెట్టాలి,అందులో ఒక చెంచా ఉప్పు,అర చెంచా నూని వేసి మరిగించి మెకరోని వేసి 80 శాతం మాత్రమే ఉడకనివ్వాలి.

ఇలా ఉడికిన మెకరోని ని చిల్లుల గిన్నిలోకి వేసి చల్లని నీళ్లతో ఒకసారి కడిగి నీరు వాడ నియ్యాలి...ఈ దశలో 2 చుక్కలు ఆలివ్ నూని వేసి కలిపి ఉంచాలి.*నూనె ఎక్కువ వేస్తే సాస్ మెకరోనికి పట్టదు .

ఇప్పుడు కూర ముక్కల సంగతి చూద్దాం....ఒక మూకుడు లో 2 చెంచాల నూని లేదా బటర్ వేసి, సన్నని వెల్లుల్లి తరుగు వేసి,వేగాక ఉల్లి ముక్కలు వేసి వేయించాలి.

ఇప్పుడు మిగతా కూర ముక్కలు అన్ని ఒక్కొక్కటిగా వేసి 2 నిమిషాలు వేయించి ఉప్పు మిరియం పొడి వేసి కలిపి దించి పక్కన పెట్టకోవాలి.కూర ముక్కలు ఎక్కువగా ఉడక కుండా ఉంటేనే పాస్తాలోకి బావుంటాయి.

ఇప్పుడు సాస్ కోసం ఒక మూకుడు పెట్టి అందులో 4 చెంచాలు బటర్ వేసి కరగ నిచ్చి....4 చెంచాల మైదా వేసిబాగా కలిపి, పచ్చివాసన పోయేదాక వేయించి, ఇప్పుడు పాలను కొద్ది కొద్దిగా పోస్తూ వుండలులేకుండా బాగా కలిపి చిక్కగా సూపు లా అయ్యాక చిటికెడు ఉప్పు,ఎండుమిర్చి ఫ్లేక్స్ వేసి కలపాలి.

సాస్ సరిగ్గా తయారైంది అని తెలుసుకోడానికి.....సాస్ లో ఏదైనా ఒక గరిట ముంచి చూస్తే గరిట అడుగు భాగానికి మరీచిక్కగా,మరీ పలుచగా కాకుండా సాస్ అంటుకొని ఉండాలి...ఇలా ఉంటే సాస్ తయారు అన్నమాట....

ఇప్పుడు ఈ సాస్ లో ముందుగా మగ్గించి పెట్టుకున్న కూర ముక్కలు,ఉడికించిన మెకరోని వేసి అన్నీ బాగా కలిసేలా కలిపి....తురిమిన చీజ్ ని వేసి మళ్ళీ కలిపి ....ఒక 2 ...3 నిమిషాలు చిన్న మంట మీద ఉడకనివ్వాలి.