మెక్సికన్ సలాడ్ రోస్ట్ చీజ్ దోస

ముందుగా దోస కోసం చెప్పిన పదార్థాలు...పంచదార,ఉప్పు మినహా మిగతా అన్నీ శుభ్రంగా కడిగి చాలినన్ని నీళ్లు పోసి 3 గంటలు నాన పెట్టి బాగా మెత్తగా రుబ్బి ,ఉప్పుకలిపి 2 గంటలు వెచ్చని ప్రదేశంలో మూత పెట్టి ఉంచాలి.కాస్త చిక్కగానే రుబ్బుకోవాలి.

గంటన్నర దాటాక దోసెలపిండి లో పంచదార కలిపి ఉంచాలి.కిందనుండి పైవరకు పిండిని బాగా 5 ..6 సారులు కలిపి ఉంచాలి.పిండి మరీ గట్టిగావుంటే కాసిన్ని నీళ్లు పోసి ఇడ్లిపిండికన్న కాస్త పలుచగా కలుపుకోవాలి.

ఇప్పుడు ఒక బౌల్ తీసుకొని అందులో సన్నగా పొడవుగా తరిగిన కూరముక్కలు, ఉప్పు,కొద్దిగా చీజ్, వెజ్ మయోనిస్, సాల్సా మెక్సికన్ సాస్,టమాటా కచుప్,జలపెనో ముక్కలు(ఇవి కొన్ని చాలా కారంగా ఉంటాయి కాబట్టి చూసి వాడుకోవాలి)ఐస్ బర్గ్ లెట్టుస్ సన్నని తరుగు వేసి,కొన్ని ఉల్లికాడల ముక్కలు కూడా వేసి బాగా కలిపి పావు చెంచా పంచదార వేసి బాగా కలిపి ఉంచాలి..(ఈ మిశ్రమం క్రీమ్ ఎక్కువగా కూరలు కాస్త కనపడి కనడనట్టుగా గా ఉండాలి.కాబట్టి మయోనిస్ ని కాస్త ఎక్కువగానే ఉంచుకోండి...అవసరాన్నిబట్టి వాడుకివచ్చు.)

ఇప్పుడు పెనం పొయ్యిమీద పెట్టి వేడి చేసి కాస్త బటర్ రాసి పేపర్ టవల్ తో తుడిచి మరొకసారి వేడి చెయ్యాలి...సన్నని మంట మీద ఉంచి ఇప్పుడు దోస పిండిని తీసుకుని దోసలా వెయ్యాలి మరీ పలుచగా వెయ్యకూడదు ఎందుకంటే కూరలు అవి ఉన్నాయికదా పలుచని దోస చిరిగి పోతుంది.దోస వేసాక 60 శాతం దోస కాలిన తరువాత బటర్ వేసి,4 చెంచాల మయోనిస్ మిశ్రమాన్ని దోస అంతటా పరచి సన్న సెగ మీద ఎర్రగా కాల్చుకోవాలి.

దోస తిరగెయ్యకూడదు...ఇలా ఎర్రగా కాలిన తరువాత దోసని ఒక పక్కనుంచి గుండ్రంగా చుట్టి ఒక గొట్టంలా చెయ్యాలి.