Name: Carrot yellow split gram/moong (dry) recipe by Swapna Tirumamidi. in Telugu at BetterButter
Prep time: 15 min
Cook time: 20 min
Total time: 35 min
Yield: 4
Ingredients: కేరెట్లు 4 పెద్దవి; పెసరపప్పు 4 పెద్దచెంచాలు; ఆవాలు అర చెంచా; జీలకర్ర పావు చెంచా; పసుపు కొద్దిగా; పచ్చి మిర్చి 3; కరివేపాకు 2 రెమ్మలు; ఇంగువ 2 చిటికెలు; కొత్తిమీర తరుగు 3 చెంచాలు; నూని 2 పెద్ద చెంచాలు; ఉప్పు రుచికి తగ్గట్టు

కేరెట్ పెసరపప్పు (పొడిగా) రెసిపీ గురించి

ఇది చాలా రుచిగా, కమ్మగా అందరికి నచ్చుతుంది.చేయడం చాలా సులభం.ఇది కేవలం 2 పదార్ధాలు,కెరేట్ మరియు పెసరపప్పు ఉపయోగించి చేస్తాము కాబట్టి పప్పులోని మాంసకృతులు, కేరెట్ లోని సుగుణాలు అధికమొత్తం లో శరీరానికి అందుతాయి. అన్నం,చపాతిలలోకి చాలా బావుంటుంది.

కావలసినవి సర్వింగ: 4

కేరెట్లు 4 పెద్దవి
పెసరపప్పు 4 పెద్దచెంచాలు
ఆవాలు అర చెంచా
జీలకర్ర పావు చెంచా
పసుపు కొద్దిగా
పచ్చి మిర్చి 3
కరివేపాకు 2 రెమ్మలు
ఇంగువ 2 చిటికెలు
కొత్తిమీర తరుగు 3 చెంచాలు
నూని 2 పెద్ద చెంచాలు
ఉప్పు రుచికి తగ్గట్టు

సూచనలు

ముందుగా పెసరపప్పును బాగా కడిగి మంచినీళ్లు పోసి 15 నిముషాలు నానపట్టాలి.
ఈ లోగా కేరెట్లు తొక్కు తీసుకుని,నచ్చినవిధంగా ముక్కలు తరిగి పెట్టుకోవాలి.
మూకుడు లో నూని వేసి వేడిచేసి,ఆవాలు,జీలకర్ర,ఇంగువ,కరివేపాకు, పచ్చి మిర్చి ముక్కలు,కాస్త పసుపుఅన్నీ వరుసలో వేసి వేయించి కేరెట్ ముక్కలు వేసి కలిపి 3..4 నిముషాలు మూత పెట్టి వేగనివ్వాలి .
ఇప్పుడు నానిన పెసరపప్పు నీరు ఓడ్చి ముక్కల మీద వేసి కలిపి,మూత పెట్టి 5 నిముషాలు అయ్యాక ఒకసారికలిపి,ఉప్పువేసి, కొద్దిగా నీళ్లు చిలకరించి మళ్ళా మూతపెట్టి 10 నుండి 15 నిముషాలు మగ్గించాలి.
ఇప్పుడు ఒక పప్పు బద్దని తీసి చేతితో నొక్కిచూస్తే ఉడికిందోలేదో తెలిసిపోతుంది లేదా అవసరం అనుకుంటే ఇంకో 5 నిమిషాలు మగ్గించి ,కొత్తిమీర వేసి కలిపితే కమ్మటి కేరెట్ పెసరపప్పు కూర సిద్ధం.

వంట ప్రారంభిద్దాం