Name: Onion Wheat pancake. recipe by Swapna Sashikanth Tirumamidi in Telugu at BetterButter
Prep time: 5 min
Cook time: 10 min
Total time: 15 min
Yield: 4
Ingredients: గోధుమ పిండి 2 కప్పులు; సన్నగా తరిగిన ఉల్లిపాయముక్కలు 2 కప్ప్పులు; ఉప్పు సరిపడా.; కారం ఒక స్పూన్; జీలకర్ర ఒక స్పూన్; కొత్తిమీర తరుగు 3 చెంచాలు.; నూని 3 చెంచాలు.; వెన్న ఇష్టానుసారం(4 చెంచాలు)

గోధుమ ఉల్లి రొట్టి రెసిపీ గురించి

పూర్వం రోజుల్లోని రొట్టెలు అంటే ఇవే.చెయ్యడం చాలా సులభం...కడుపు నిండుగా ఉంటుంది.ఆరోగ్యానికి ఆరోగ్యం.ఉదయం లేదా రాత్రి ఫలహారంగా తీసుకోవచ్చు. అన్ని సాధారణంగా ఇంట్లో ఉండే పదార్ధాలే.ఇది చేసుకుంటే ఇంకా వేరే కూరలు కూడా అవసరం లేదు...ఉట్టిగా తినవచ్చు.ఇంకా గడ్డపెరుగుతో కూడా తినవచ్చు.అనుకోకుండా చుట్టం వస్తే ,వాళ్ళని 10 నిమిషాలు మాటల్లో పెట్టి ఈ రొట్టి చేసి పెట్టవచ్చు.

కావలసినవి సర్వింగ: 4

గోధుమ పిండి 2 కప్పులు
సన్నగా తరిగిన ఉల్లిపాయముక్కలు 2 కప్ప్పులు
ఉప్పు సరిపడా.
కారం ఒక స్పూన్
జీలకర్ర ఒక స్పూన్
కొత్తిమీర తరుగు 3 చెంచాలు.
నూని 3 చెంచాలు.
వెన్న ఇష్టానుసారం(4 చెంచాలు)

సూచనలు

ముందు ఉల్లిపాయ ముక్కలు ,గోధుమ పిండి, ఉప్పు,వెన్న,కారం,జీలకర్ర,కొత్తిమీర తరుగు అన్నివేసి బాగా కలిపి నీళ్లు పోసి ముద్దలా కలుపుకోవాలి.ఈ ముద్ద చపాతీ ముద్దలా గట్టిగా ఉండకూడదు...జంతికల ముద్దలా కలుపుకోవాలి.
ఇప్పుడు పెనం తీసుకుని దానిమీద నూని ఒకచెంచాడు వేసి ఒకచేతినిండుగా పిండి ముద్దని తీసుకుని, పెనం మీద వేసి ,చేతిని నీటిలో ముంచుకుంటూ పిండిని పెనంమీద వత్తుకోవాలి.చపాతీ కన్నా కాస్త మందం గా వత్తుకోవాలి.
ఇప్పుడు రొట్టి కి మధ్యలో వేలితో చిన్న కన్నం పెట్టి, ఆ పెనాన్ని పొయ్యిమీదపెట్టి మంట వెలిగించి 3..4 నిమిషాలు కాల్చుకోవాలి.అంచులకి కాస్త నూనె వెయ్యాలి.
పైకి మనకు కనిపించే భాగం అంతా పచ్చి రంగు మారిన వెంటనే రొట్టిని రెండో వైపు తిప్పుకుని మరో 3 నిమిషాలు కాల్చుకోవాలి.
రెండో వైపు కూడా నూని లేదా వెన్న రాసి కాల్చుకోవాలి.
అంతే చక్కని రుచితో సులభమైన గోధుమ ఉల్లి రొట్టి సిద్ధం.ఇప్పుడు వేరే పళ్ళెంలోకి తీసుకొని మధ్యలో కాస్త వెన్నవేసి, ఉల్లిపాయ చక్రాలు,2పచ్చిమిరపకాయలతో పాటు గడ్డపెరుగు తో వడ్డిస్తే సరి:yum::heart_eyes::kissing_heart:

వంట ప్రారంభిద్దాం