Name: Maisur Pak recipe by Shraddha Patel in Gujarati at BetterButter
Prep time: 5 min
Cook time: 45 min
Total time: 50 min
Yield: 4
Ingredients: 1 કપ ચણા નો લોટ; 1 ચમચો બદામ નો ભુક્કો; 1 ચમચો કાજુ નો ભુક્કો; 5 થી 7 તાંતણા કેસર; 2 કપ ખાંડ; 1.25 કપ ઘી; 1 કપ પાણી

એક જાડા તળિયા વાળી કઢાઈ લો. ત્યારબાદ એમાં ઘી ઉમેરો.

ઘી સહેજ ગરમ થાય એટલે કેસર ઉમેરો. ત્યારબાદ એમાં ચણા નો લોટ, કાજુ નો ભુક્કો, બદામ નો ભુક્કો, ખાંડ અને પાણી ઉમેરી બધું બરાબર મિક્સ કરી લો.

ધીમી આંચ પર આ મિશ્રણ ને સતત હલાવતા રહેવું. અને આ મિશ્રણ ને એક જ તરફ સતત હલાવતા રહેવું.

ધીમે ધીમે મિશ્રણ ઘાટું થતું જશે અને તેમાં જાળી દેખાવા લાગશે અને કઢાઈ છોડશે. મિશ્રણ કઢાઈ છોડવા લાગે એટલે આપનો મેસુબ પાક તૈયાર છે.

હવે એક ઊંડું વાસણ લઇ તેને ઘી થી ગ્રીસ કરી લેવું. ત્યારબાદ તૈયાર થયેલ મિશ્રણ ને એ વાસણ મા ઢાળી દેવું.

મિશ્રણ ઢાળી દીધા બાદ ધીમે ધીમે વાસણ ને થપથપાવી મિશ્રણ એકસરખું ફેલાવી લો અને એક વાત નું ધ્યાન રાખવું કે મિશ્રણ ને પ્રેસ કરવું નહીં. પ્રેસ કરવા થી અંદર જાળી નહીં પડે અને કટ કર્યા પછી એના લેયર સરખા નહીં દેખાય.

ત્યારબાદ ગરમ હોય ત્યારે જ છરી ની મદદ થી ચોરસ કટ આપી દેવા, ઠંડુ થયા પછી કટ બરાબર નહીં લાગે. ત્યારબાદ મૈસુર પાક ને સેટ થવા માટે થોડો સમય આપો. તો તૈયાર છે મૈસુર પાક.