Name: Daal kachori recipe by Hiral Hemang Thakrar in Gujarati at BetterButter
Prep time: 15 min
Cook time: 20 min
Total time: 35 min
Yield: 3
Ingredients: બાફેલી તુવરદાળ 1 કપ; શિંગદાણા 1 ચમચો; મીઠો લીમડો, આદું-મરચાં, ટમેટા જરૂરત મુજબ; તજ, લવિંગ, તમાલપત્ર વઘારમાટે; રાય, જીરૂ, હીંગ, મેથી વઘારમાટે; મરચું, મીઠું, હળદર, ધાણાજીરૂ સ્વાદમુજબ; ગરમ મસાલો 1 ચમચી; લીંબુનો રસ 2 ચમચી; ગોળ 1 ચમચો; તેલ જરૂરત મુજબ; પાણી; બાફેલા બટેટા 3 નંગ મિડિયમ સાઈઝના; સમારેલી કોથમીર 1 ચમચી; ધઉંનો લોટ 1 કપ

સામગ્રી સર્વિંગ: 3

બાફેલી તુવરદાળ 1 કપ
શિંગદાણા 1 ચમચો
મીઠો લીમડો, આદું-મરચાં, ટમેટા જરૂરત મુજબ
તજ, લવિંગ, તમાલપત્ર વઘારમાટે
રાય, જીરૂ, હીંગ, મેથી વઘારમાટે
મરચું, મીઠું, હળદર, ધાણાજીરૂ સ્વાદમુજબ
ગરમ મસાલો 1 ચમચી
લીંબુનો રસ 2 ચમચી
ગોળ 1 ચમચો
તેલ જરૂરત મુજબ
પાણી
બાફેલા બટેટા 3 નંગ મિડિયમ સાઈઝના
સમારેલી કોથમીર 1 ચમચી
ધઉંનો લોટ 1 કપ

સૂચનાઓ

પૂર્વ તૈયારીના રૂપમાં બટેટા અને તુવરદાળ બાફીને રાખવી.
ઘઉંના લોટમાં 1 ચમચો તેલનું મોણ ઉમેરી સ્વાદમુજબ મીઠું મરચું હળદર ઉમેરી થેપલા નો લોટ તૈયાર કરીએ એવો લોટ બાંધવો.
હવે દાળ કચોરી બનાવવાની શરૂઆત કરીએ ત્યારે સૌથી પહેલા દાળ તૈયાર કરશું જે ધીમે ધીમે ઉકળે એ દરમિયાન કચોરી તૈયાર કરશું.
એક કુકર લો તેને ગેસ પર મધ્યમ તાપે મુકો 2 ચમચા તેલ ઉમેરો... તેલ ગરમ થાય એટલે રાય જીરૂ હીંગ મેથી તમાલપત્ર તજ લવિંગનો વઘાર કરવો.....
હવે તેમાં 1ચમચી શિંગદાણા ઉમેરી જરા શેકો, ત્યારબાદ આદું-મરચાં મીઠો લીમડો સમારેલા ટમેટા ઉમેરો..... વઘાર થઈ ગયા બાદ બાફેલી ક્રશ કરેલી તુવરદાળ ઉમેરો જરૂરત મુજબ પાણી ઉમેરવું.
હવે દાળમાં મરચું મીઠું ધાણાજીરૂ હળદર ગરમ મસાલો ગોળ અને લીંબુનો રસ ઉમેરી ધીમે ધીમે ઉકાળી ખટ્ટમીઠી દાળ તૈયાર કરો.....
આ દાળને ધીમે તાપે ઉકળવા દો.....
હવે દાળમાં ઉમેરવાની કચોરી તૈયાર કરીએ....
બાફેલા બટેટાનો માવો કરી તેમાં સમારેલી કોથમીર મીઠું મરચું ધાણાજીરૂ સ્વાદમુજબ ઉમેરી મિકસ કરી નાના નાના ગોળા વાળી લો.
ઘઉંના લોટમાં મસાલો ઉમેરી જે લોટ બાંધીને રાખ્યો છે એમાંથી નાની નાની પુરી વણી એક એકમાં બટેટાના તૈયાર કરેલાં ગોળા મુકી ચપટી લઈને બંધ કરી કચોરી તૈયાર કરો..... એવી રીતે બધી કચોરી તૈયાર કરીને ઉકળતી દાળમાં ઉમેરી કુકરનું ઢાંકણ બંધ કરી 3 વ્હીસલ થવા દો.
લો તૈયાર છે ગરમાગરમ દાળ કચોરી... સમારેલી કોથમીર ઉમેરી પીરસો.

સમાન વાનગીઓ