Name: Katori Chat recipe by Purvi modi in Gujarati at BetterButter
Prep time: 20 min
Cook time: 35 min
Total time: 55 min
Yield: 10
Ingredients: સ્ટફિંગ માટે:; બાફેલા કાબુલી ચણા ૧ કપ; બાફેલા સમારેલા બટાકા ૨; સમારેલી ડુંગળી ૨; સમારેલા ટામેટા ૨; સમારેલી કાકડી ૧; સમારેલી કોથમીર ૩-૪ ટેબલસ્પૂન; ઝીણો સમારેલો ફુદીનો ૩-૪ ટેબલસ્પૂન; દાડમના દાણા ૧/૪ કપ; મીઠું સ્વાદ પ્રમાણે; ચાટ મસાલો સ્વાદ પ્રમાણે; શેકેલા જીરું નો પાવડર ૧ ટેબલસ્પૂન; કાળા મરી નો પાઉડર ૧ ટી સ્પૂન; લાલ મરચું પાઉડર ૧ ટી સ્પૂન; કટોરી માટે:-; મેંદો ૨૫૦ ગ્રામ; મીઠું સ્વાદ પ્રમાણે; તેલ ૪-૫ ટેબલસ્પૂન; અજમો ૧ ટી સ્પૂન; અન્ય સામગ્રી:-; તેલ તળવા માટે; ઝીણી સેવ જરૂર મુજબ; તીખી બુંદી જરૂર મુજબ; લીલી ચટણી જરૂર મુજબ; વલોવેલુ દહીં જરૂર મુજબ; ખજૂર આમલીની ચટણી જરૂર મુજબ; સમારેલી કોથમીર; દાડમના દાણા

સૌપ્રથમ મેંદામાં મીઠું, અજમો અને તેલનું મોણ નાખીને સહેજ નરમ કણક બાંધો.

૧૦-૧૫ મિનિટ ઢાંકીને રહેવા દો.

ત્યારબાદ તેને ફરીથી મસળી એકસરખા મોટા ગોળા વાળો.

મોટી પૂરી વણી કાંટા થી પ્રીક કરી દો.

એક મોટી સ્ટીલ ની કટોરી ને ઊંધી મૂકી તેની ઉપર પૂરી ચોંટાડી દો અને વધારાનો ભાગ કાપી લો.

આ રીતે એક સાથે ૩-૪ કટોરી તૈયાર કરો.

ગરમ તેલમાં તળવા મૂકો. થોડા સમય પછી પૂરી કટોરી થી છૂટી પડી જશે. કટોરી ને સાણસી થી પકડી ને બહાર કાઢી લો અને કટોરી ના આકાર ની પૂરી ને સોનેરી થાય ત્યાં સુધી તળી લો.

આ રીતે બધી કટોરી તૈયાર કરી લો.

સ્ટફિંગ માટે ની બધી સામગ્રી મિક્સ કરી લો.

કટોરી માં ૨-૩ ટેબલસ્પૂન સ્ટફિંગ મૂકી ઉપર વલોવેલુ દહીં, લીલી ચટણી, ખજૂર આમલીની ચટણી રેડો.

તેની ઉપર ઝીણી સેવ, તીખી બુંદી, દાડમના દાણા અને સમારેલી કોથમીર ભભરાવી ચટપટી ચાટનો આનંદ માણો.