વેજ. બર્ગર (મેક વજી)

બટાકા ને બાફી લેવા. ગાજર વટાણા ને ઝીણા સમારી પાણી માં ઉકાળી લેવા. બટાકા નો છૂંદો કરી તેમાં મીઠું, મરી, વટાણા, ગાજર અને કેપ્સીકમ નાખી મિક્સ કરી લેવા. માવો જો ઢીલો લાગે તો થોડો કોર્ન ફ્લોર નાખી દેવાનો. અથવા બટાકા નાં માવા ને ફ્રીજ માં મૂકી દેવું. પેટીસ નો આકાર આપી દેવો. બર્ગર બન નાં માપ ની પેટીસ બનાવવી. કોર્ન ફ્લોર માં થોડું પાણી નાખી પેટીસ ને એમાં બોળી બ્રેડ ક્રંબસ માં રગદોળી તેલ માં તળી લેવી.

બર્ગર બન ને વચ્ચે થી કાપી પેન મા શેકી લેવું. અહીંયા તેલ કે બટર ગમે તે વાપરી શકાય અને એના વગર પણ શેકી શકાય. ત્યાર બાદ બન પર મેયોનિઝ લગાવી પેટીસ મૂકવી. કાંદા મૂકી લેટસ નાં ૨ થી ૩ પાંદડા મૂકી ચીઝ સ્લાઈસ મૂકી બન નો બીજો ભાગ ઉપર મૂકી બર્ગર સર્વ કરવું.