Name: Pani puri recipe by Disha Chavda in Gujarati at BetterButter
Prep time: 30 min
Cook time: 15 min
Total time: 45 min
Yield: 5
Ingredients: પૂરી માટે; રવો કે સોજી ૨ કપ; તેલ; મસાલા માટે; બટાકા ૪ થી ૫; બાફેલા દેશી ચણા ૧ કપ; ફુદીના ની ચટણી ૩ થી ૪ ચમચી; પાણીપુરી નો મસાલો ૨ ચમચી; કોથમીર એક મુઠ્ઠી; મીઠું સ્વાદાનુસાર; ફુદીના ની ચટણી માટે (ફુદીના નાં પાણી માટે); ફુદીનો ૧ કપ; કોથમીર ૨ કપ; લીંબુ ૧; મીઠું સ્વાદાનુસાર; લીલાં તીખા મરચાં ૬ થી ૭; લસણ ની ચટણી (લસણ ના પાણી માટે); લસણ ૧૫ થી ૨૦ કળી; સૂકા લાલ મરચા ૮ થી ૧૦; જીરું ૧ ચમચી; મીઠું સ્વાદાનુસાર; પાણીપુરી નાં સૂકા મસાલા માટે; જીરું ૩ ચમચી; સૂકા લાલ મરચા ૧૦ થી ૧૨; મરી ૧૦ થી ૧૨; સંચળ ૧ ચમચી; લવિંગ ૫ થી ૬; તજ નાનો ટુકડો; એક્સ્ટ્રા સામગ્રી; લીંબુ ૫ થી ૬

પૂરી માટે (અગાઉ થી બનાવી શકાય) રવા ને મીક્ષર માં સહેજ ક્રશ કરી લેવું. ત્યાર બાદ પાણી નાખી લોટ બાંધવો. રોટલી જેવો ઢીલો બાંધવો. અડધી કલાક ભીના કપડા થી ઢાંકી દેવું. ૩૦ મિનિટ પછી થોડું તેલ નાખી લોટ મસળવો. ત્યાર બાદ નાના લુઆ કરી રોટી મેકર ચાલુ કરી લુઆ મૂકી દબાવી ને સહેજ સેકાય ત્યાં સુધી રાખવુ. ત્યાર બાદ તેલ માં તળી લેવું. જો રોટી મેકર નાં હોય તો પૂરી વણી ને તળી લેવું. આ અગાઉ થી બનાવી ને રાખી શકાય. આ પૂરી ઘણા દિવસો સુધી સ્ટોર કરી શકાય છે.

દેશી ચણા ને ૮ થી ૧૦ કલાક પલાળી મીઠું નાખી બાફી લેવું. બટાકા પણ બાફી લેવા.

પાણીપુરી નાં સૂકા મસાલા માટે સૂકા લાલ મરચા, જીરું, મરી, સંચળ, લવિંગ અને તજ ને મિક્ષર માં ક્રશ કરી દેવું.

ફુદીના નાં પાણી માટે કોથમીર, ફુદીના ને સરખું ધોઈ ને મિક્સર માં નાખી, લીલાં મરચાં, મીઠું, લીંબુ નાખી ક્રશ કરી લેવું. ૫ થી ૬ કપ પાણી માં ફુદીના ની ચટણી ૪ થી ૫ ચમચી નાખવી. સંચળ, મીઠું, ચાટ મસાલો, પાણીપુરી નો સુકો મસાલો સ્વાદાનુસાર નાખી ને મિક્સ કરવું. ફુદીના નું પાણી તૈયાર.

લસણ નાં પાણી માટે સૂકા લાલ મરચા ને અડધી કલાક માટે પાણીમાં પલાળી દેવા. મિક્સર મા લસણ, પલાળેલા લાલ મરચા, મીઠું અને જીરું નાખી ક્રશ કરી લેવું. ૫ થી ૬ કપ પાણી લઈ તેમાં ૪ થી ૫ ચમચી ચટણી નાખી દેવી. તેમાં સ્વાદાનુસાર મીઠું, લીંબુ, ચાટ મસાલો, સંચળ, પાણીપુરી નો સુકો મસાલો નાખી મિક્સ કરવું. લસણ નું પાણી તૈયાર.

બાફેલા બટાકા ને છૂંદી તેમાં બાફેલા ચણા, મીઠું, ફુદીના ની ચટણી, પાણીપુરી નો સુકો મસાલો, કોથમીર, સંચળ નાખી મિક્સ કરી લેવું. મસાલો તૈયાર.