Name: Tuver Totha recipe by Bharti Khatri in Gujarati at BetterButter
Prep time: 180 min
Cook time: 10 min
Total time: 190 min
Yield: 4
Ingredients: ૧ કપ સુકી તુવેર; ૧ કપ ટામેટા ની પ્યોરી; ૧ કપ ડુંગળી ઝીણી સમારેલી; ૧ ચમચો આદુ, લીલામરચા વાટેલા; ૧ ચમચો લસણ વાટેલુ; ૧ કપ લીલું લસણ ઝીણુ સમારેલુ; ૧ ચમચો ઘી; ચપટી હીંગ; ૪ નંગ લવિંગ; ૧ નાનો ટુકડો તજ; ૭ થી ૮ મરી; ૧ ચમચી લાલ મરચુ પાઉડર; ૧/૨ ચમચી હળદર; ૧ ચમચી જીરુ; ૧ ચમચી ગરમ મસાલો; ૧ ચમચી ધાણાજીરુ પાઉડર; ૧/૨ કપ કોથમીર ઝીણી સમારેલી; સ્વાદમુજબ મીંઠુ; ૧ પેકેટ બ્રેડ; ૧ બાઉલ માખણ

તુવેર ના ટોઠા રેસીપી વિશે

તુવેર ના ટોઠા મહેસાણા નુ પ્રખ્યાત સ્ટ્રીટફૂડ છે પણ હવે ઘણા બધા શહેરો મા પણ મળે છે. તુવેર ના ટોઠા સૂકી તુવેર ને પલાળીને બાફી ને તેમા ડુંગળી, ટામેટા, લસણ, લીલા મરચા, આદુ, લીલુ લસણ અને સૂકા મસાલા મિક્સ કરી બનાવાય છે અને ખાવા મા ખૂબ જ સ્વાદિષ્ટ લાગે છે અને તે બ્રેડ અને સેવ સાથે પીરસવા મા આવે છે. બાળકો ને તો ટોઠા ખુબ જ ભાવે છે અને આપ સૌને પણ ખુબ જ પસંદ આવશે.

સામગ્રી સર્વિંગ: 4

૧ કપ સુકી તુવેર
૧ કપ ટામેટા ની પ્યોરી
૧ કપ ડુંગળી ઝીણી સમારેલી
૧ ચમચો આદુ, લીલામરચા વાટેલા
૧ ચમચો લસણ વાટેલુ
૧ કપ લીલું લસણ ઝીણુ સમારેલુ
૧ ચમચો ઘી
ચપટી હીંગ
૪ નંગ લવિંગ
૧ નાનો ટુકડો તજ
૭ થી ૮ મરી
૧ ચમચી લાલ મરચુ પાઉડર
૧/૨ ચમચી હળદર
૧ ચમચી જીરુ
૧ ચમચી ગરમ મસાલો
૧ ચમચી ધાણાજીરુ પાઉડર
૧/૨ કપ કોથમીર ઝીણી સમારેલી
સ્વાદમુજબ મીંઠુ
૧ પેકેટ બ્રેડ
૧ બાઉલ માખણ

સૂચનાઓ

સૂકી તુવેર ને ૩ થી ૪ કલાક પલાળી ને રાખવી.
તુવેર પલળી જાય એટલે કુકર મા તુવેર મા પાણી અને મીંઠુ નાખી ૪ થી ૫ સીટી મારી બાફી લેવી.
હવે કડાઈ મા ઘી ગરમ કરી તેમા જીરુ ચટકાવી લેવુ અને ચપટી હીંગ નાખવી.
હવે તેમા આદુ, લીલામરચા વાટેલા અને લસણ વાટેલુ મિક્સ કરી એકાદ બે મિનિટ શેકાવા દઇ તેમા ઝીણી સમારેલી ડુંગળી મિક્સ કરી થોડી ગુલાબી રંગની થાય ત્યા સુધી શેકવી. હવે ઝીણુ સમારેલુ લીલુ લસણ મિક્સ કરી બરાબર શેકી લેવુ. હવે તેમા ટામેટા ની પ્યોરી મિક્સ કરી બરાબર શેકી લેવુ.
હવે તેમા લાલ મરચુ પાઉડર, હળદર, ગરમ મસાલો, ધાણાજીરુ પાઉડર, તજ-લવિંગ-મરી વાટીને અને મીંઠુ સ્વાદમુજબ મિક્સ કરી શેકી લેવુ.
હવે તેમા બાફેલ તુવેર મિક્સ કરી ધીમી આંચ પર ઉકળવા દેવુ જેથી ઘી છુટી તરી આવી જાય.
તૈયાર છે ગરમા ગરમ સ્વાદિષ્ટ મજેદાર તુવેર ના ટોઠા. તુવેર ટોઠા ને કોથમીર થી સજાવી માખણ મા શેકેલી બ્રેડ અને ઝીણી સેવ સાથે પીરસવુ અને ખાવા ની મજા માણવી.
મે તેની સાથે સુખડી, કેરી નુ કચુમ્બર,જીરા રાઈસ અને મસાલા છાસ પીરસેલ છે આપ આપણી મન પસંદ વાનગી સાથે તુવેર ના ગરમા ગરમ સ્વાદિષ્ટ મજેદાર ટોઠા ની મજા માણો.

સમાન વાનગીઓ