Name: Aambyache Saandan / Dhondas recipe by Sudha Kunkalienkar in Marathi at BetterButter
Cook time: 150 min
Total time: 150 min
Yield: 4
Ingredients: इडली रवा १ कप; आंब्याचा गर अर्धा कप; ताजा खवलेला नारळ अर्धा कप; चिरलेला गूळ अर्धा ते पाऊण कप; केशर ३-४ काड्या दुधात भिजवून; वेलची पूड पाव चमचा; साजूक तूप अर्धा चमचा आणि थाळीला लावायला; मीठ चवीनुसार; खायला देताना; नारळाचा गूळ, वेलची घातलेला गोड रस / तूप

आंब्याचं सांदण / धोंडस कृती बद्दल

हा कोकणातला खास पदार्थ आहे. आंब्याचा गर, नारळ , गूळ आणि तांदुळाचा रवा एकत्र भिजवून वाफवतात. खमंग सांदण नारळाच्या गोड रसाबरोबर / तुपाबरोबर खातात. खूप चविष्ट आणि पौष्टिक पदार्थ आहे. रेसिपि पण अगदी सोपी आहे.

साहित्य सर्विंग: 4

इडली रवा १ कप
आंब्याचा गर अर्धा कप
ताजा खवलेला नारळ अर्धा कप
चिरलेला गूळ अर्धा ते पाऊण कप
केशर ३-४ काड्या दुधात भिजवून
वेलची पूड पाव चमचा
साजूक तूप अर्धा चमचा आणि थाळीला लावायला
मीठ चवीनुसार
खायला देताना
नारळाचा गूळ, वेलची घातलेला गोड रस / तूप

सूचना

अर्धा चमचा तूप घालून घालून इडली रवा भाजून घ्या. जरा रंग बदलला की गॅस बंद करा.
आंब्याचा गर काढून गाळून घ्या. पाणी घालू नका.
नारळ आणि गूळ मिक्सर मध्ये एकत्र करून घ्या. फार बारीक वाटू नका .
आता रवा, आंब्याचा गर, नारळ, गूळ, केशर, वेलची आणि मीठ एकत्र करा. इडलीच्या पिठासारखं भिजवा.
२ तास झाकून ठेवा.
आता मिश्रण फुगेल. परत पाणी घालून इडलीच्या पिठाएवढं पातळ करा.
इडली पात्रात पाणी गरम करा. एका थाळीला तूप लावून त्यात मिश्रणाचा १ सेमी जाडीचा थर द्या. १५-२० मिनिटं वाफवून घ्या.
गार झाल्यावर वड्या पाडा आणि नारळाच्या गोड रसाबरोबर / तुपाबरोबर खायला द्या.

तत्सम पाककृती