Name: Rice Thalipeeth recipe by Manisha Lande in Marathi at BetterButter
Prep time: 7 min
Cook time: 10 min
Total time: 17 min
Yield: 4
Ingredients: वाटीभर शिजवलेला तयार भात; १/२ वाटी गहु पीठ; १/२ वाटी बेसन; १/४ वाटी किसलेलं गाजर; १ छोटा चमचा लाल तिखट; १/२ छोटा चमचा हळद; १/४ छोटा चमचा हिंग; १/२ छोटा चमचा धने-जीरे पुड; चवीनुसार मीठ; तेल

प्रथम मिक्सरमधून तयार भात दरदरीत वाटून घेतला.

नंतर त्यात गहू पीठ, बेसन, किसलेलं गाजर घालून छान एकजीव करून घेतले. ( मी पीठ भिजवताना पाण्याचा वापर केला नाही, गाजरच्या किसाला जे पाणी सुटले मी त्यातच पीठ भिजवले. )

नंतर त्यात लाल तिखट, धने-जीरे पुड, हळद, हिंग व चवीनुसार मीठ घालून मिश्रण छान एकजीव करून घेतले.

गॅसवर तवा तापत ठेवला.

एक दुधाची रिकामी पिशवी घेऊन ती धुवून स्वच्छ करून घेतली.

नंतर ती पिशवी पोलपाटावर ठेवून त्यावर मिश्रणाचा मध्यम आकाराचा गोळा करून त्यावर पाण्याचा हात लावून थालिपीठ थापून घेतलं.

गरम तव्यावर तयार थालिपीठ घालून बाजूंनी तेल सोडून दोन्ही बाजूंनी छान खमंग भाजून घेतलं.

तयार थालिपीठ सर्व्हींग डिशमध्ये काढून टोमॅटो सॉस बरोबर सर्व्ह केलं

"तयार भाताचे थालिपीठ" तयार.