Name: WINTER SPECIAL MOONG HALWA recipe by Jayshree Bhawalkar in Marathi at BetterButter
Prep time: 120 min
Cook time: 90 min
Total time: 210 min
Yield: 4
Ingredients: 1 कप पिवळी मूग डाळ; 1 कप तूप; 1 कप साखर; 3 कप पाणी; 3 चमचे काजू,बदाम चे काप; 1 चमचा वेलची पूड

हिवाळा स्पेशल मुगाचा शिरा कृती बद्दल

ही हिवाळयात बनवली जाणारी पारंपरिक पाक कृती आहे.मुगाची डाळ पौष्टिक असल्या मुळे आणि भरपूर तूप, बदाम काजू घातल्या मुळे अजून पौष्टिक होतो असा हा शिरा हिवाळ्यात आवर्जून बनवला जात असतो.

सूचना

डाळ नीट धुवून ,पाण्यात 2 तास भिजत ठेवा
आता पाणी पूर्ण काढून मिक्सर मधे बारीक वाटून घ्या
एका कुकर च्या डब्याला 1/2 चमचा तूप लावून घ्या केक साठी लावतो तसे आणि आता हे मुगाच वाटलेलं पिठ त्या डब्यात ओतून एका प्लेट नी झाकून कुकर मधे ठेवा आणि शिट्टी लावून 2 शिट्या होऊ द्या.
कूकर थंड झाल्यावर शिलेल्या पिठा चे छोटे तुकडे करून परत मिक्सर मधे फिरवून घ्या.
.एका कढईत 1/2 कप तूप गरम करा आणि हे वाटलेले,शिजलेले पिठ त्यात घालून नीट मिक्स करा
आता हे पिठ मंद आंचे वर 10 मिनिट भाजून घ्या.
आता उरलेलं 1/2 कप तूप पण मिक्स करा.
आता गॅस थोडासा मोठा करू शकतो पण सतत हालवत रहायचे
10 -12 मिनिटात पिठ तूप सोडू लागेल
पिठा ला गडद कथ्थई रंग येई पर्यंत भाजायचे आहे. पिठ थोडं कुरकुरीत पण होणार.
आता हे भाजलेले पिठ एका वाडग्यात काढून थंड होऊ द्या.
थंड झाल्यावर परत एकदा मिक्सर मधून वाटून घ्या
एका कढईत 3 कप पाणी त्यात 1 कप साखर घाला आणि मिक्स करा
साखर विरघळून 2 उकळी येऊ द्या.
आपलं भाजून वाटलेलं पिठ ह्यात नीट मिक्स करा
नीट मिक्स करायचे गुठळ्या नाही असल्या पाहिजे
हे शिराघट्ट होई पर्यंत शिजवून घ्या.
शिरा हवा तसा घट्ट झाला कि त्यात वेलचीपूड, काजू बदामाचे काप घालून नीट मिक्स करा
एका सर्व्हिंग डिश मधे वरून काजू,बदामाचे काप घालून सजवून हिवाळा स्पेशल मुगाचा शिरा सर्व्ह करा.

तत्सम पाककृती