मुख्यपृष्ठ / पाककृती / मोड आलेल्या मिश्रकडधान्याची पौष्टीक चकली
कडधान्याचे महत्व लक्षात घेता याचा जास्तीत जास्त वापर रोजच्या आहारात वेगवेगळ्या पद्धतीने व्हावा यासाठी वेगवेगळे पदार्थ करून बघितले. मोड आलेल्या मिश्र कडधान्याची पौष्टीक चकली त्यातूनच जन्माला आली आणि उत्कृष्ट जमली, म्हणजे चव, खुसखुशीतपणा एकदम 1 नंबर:ok_hand: नक्की करून पहा. तत्पूर्वी थोडा गुगल सर्च ... तेवढीच knowlage मध्ये भर ... :blush: मोड आणलेली कडधान्ये खाणे खरोखरच आरोग्यदायी आहे. त्यामुळे प्रथिने पचायला सोपी होतात. जीवनसत्वांची दुप्पट-तिप्पट वाढ होते. ‘क’ जीवनसत्त्व तर मोड आल्यानंतरच तयार होते. कडधान्यांचा वातूळपणा कमी होतो. लोह व कॅल्शियमचे शोषण चांगले होते. महाराष्ट्रामध्ये कडधान्यांना मोड आणून खाण्याची जुनी आणि चांगली परंपरा आहे. मोड आलेली कडधान्ये खाण्याचे फायदे - 1. प्रथिने पचायला सोपी होतात. 2. सर्व जीवनसत्वांची अनेक पटीने वाढ होते. 3. कडधान्याला मोड आणल्यामुळे 'क' जीवनस्तवाची वाढ होते. 4. मोड आणल्यामुळे कडधान्यांचा वातुळपणा कमी होतो. 5. मोड आणण्याच्या प्रक्रियेमध्ये कडधान्ये हलके होतात आणि पचायला सुलभ होतात. 6. मोड आलेली कडधान्ये सुकवून ठेवता येतात. अशा सुकविलेल्या मोडांमध्ये कर्बोदके आणि ‘क’ जीवनसत्वे मोठया प्रमाणावर वाढतात. 7. सुकविलेले मोड थोडा वेळ पाण्यात टाकून पुन्हा टवटवीत करता येतात. अशी कडधान्ये प्रथिने, कर्बोदके आणि जीवनसत्वांनी समृध्द असतात. 8. मोड आणण्याच्या प्रक्रियेमध्ये प्रथिने आणि कर्बोदकांची पाचकता लक्षणीय प्रमाणात वाढते. प्रथिने, खनिजे, जीवनसत्वे आणि कर्बोदके यांचा एक समृध्द खजिना म्हणजे मोड आलेली कडधान्ये. अशा मोड आलेल्या कडधान्यांचा दैनंदिन आहारातील समावेश म्हणजे आरोग्याची गुरूकिल्ली. कोणती कडधान्ये खावी ? ..... सर्वच प्रकारची कडधान्ये पचायला सारखी नसतात. पचनाला सर्वात हलके कडधान्य म्हणजे मटकी. त्यानंतर मूग व चवळी. नंतर उडीद आणि हरभरा, कडू वाल आणि पावटा हे पचायला सर्वात कठीण असते. कडधान्यात भरपूर पोषक तत्वे असतात. शाकाहारी आहारामध्ये प्रथिनांची पूर्तता प्रामुख्याने कडधान्यातूनच होते. इंडियन कौंसिल ऑफ मेडिकल रिसर्च यांनी दिलेल्या संकेताप्रमाणे एका वर्षात दर माणसी कमीत कमी 17 ते 25 किलो कडधान्ये वापरणे आवश्यक आहे. म्हणूनच कडधांन्यांना आहारामध्ये अनन्यसाधारण महत्त्व आहे.
आपण या रेसिपीला कसे रेटिंग द्याल? कृपया आपले रिव्यू सबमिट करण्यापूर्वी एक स्टार रेटिंग प्रविष्ट करा.
रिव्यु सबमिट करा