Name: Ghosalyache Bharit - Gilki Raita recipe by Sudha Kunkalienkar in Marathi at BetterButter
Prep time: 10 min
Cook time: 20 min
Total time: 30 min
Yield: 4
Ingredients: घोसाळी ३ मध्यम; शेंगदाण्याचे जाडसर कूट १ मोठा चमचा; दही १ मोठा चमचा; मिरची ठेचून अर्धा चमचा; तूप १ चमचा; जिरं पाव चमचा; हिंग चिमूटभर; हळद चिमूटभर; लसूण २ पाकळ्या तुकडे करून; साखर अर्धा चमचा; नारळ १ चमचा; कोथिंबीर १ चमचा; मीठ चवीनुसार

Ghosalyache Bharit - Gilki Raita कृती बद्दल

मला वाटत होतं घोसाळ्याचे भरीत छान होईल. एक - दोन रेसिपीज पहिल्या पण आवडल्या नाहीत. म्हणून स्वतः च रेसिपी बनवली. घोसाळ्याला खूप पाणी सुटतं. म्हणून भरीत करायच्या आधी ते पाणी सुकवलं तर चांगलं होईल असं वाटलं. आणि घोसाळ्याला लसणीचा वास छान लागतो. मग चरचरीत लसणीची फोडणी दिली शेवटी. मस्त टेस्टी झाले भरीत. तुम्हीही करून बघा.

साहित्य सर्विंग: 4

घोसाळी ३ मध्यम
शेंगदाण्याचे जाडसर कूट १ मोठा चमचा
दही १ मोठा चमचा
मिरची ठेचून अर्धा चमचा
तूप १ चमचा
जिरं पाव चमचा
हिंग चिमूटभर
हळद चिमूटभर
लसूण २ पाकळ्या तुकडे करून
साखर अर्धा चमचा
नारळ १ चमचा
कोथिंबीर १ चमचा
मीठ चवीनुसार

सूचना

घोसाळी सोलून किसून घ्या.
एका पातेल्यात अर्धा चमचा तूप घालून जिरं, हिंग आणि हळद घालून फोडणी करा.
त्यात किसलेले घोसाळे घाला.
मध्यम आचेवर परतून घ्या. घोसाळ्यातलं पाणी सुकायला पाहिजे.
शिजलेलं घोसाळं गार करून घ्या.
त्यात शेंगदाणा कूट, नारळ, कोथिंबीर, मिरची, मीठ, साखर आणि दही घालून मिक्स करा.
आता उरलेलं अर्धा चमचा तूप गरम करा. त्यात लसणीचे तुकडे घालून लालसर रंगावर परतून घ्या.
ही फोडणी मिश्रणावर घाला आणि सर्व्ह करा टेस्टी घोसाळ्याचे भरीत.
पोळी, भाताबरोबर किंवा असंच खायला ही छान लागतं.

तत्सम पाककृती