Name: Malwani Prawns Curry recipe by Purva Sawant at BetterButter
Prep time: 20 min
Cook time: 15 min
Total time: 35 min
Yield: 4
Ingredients: सोललेली कोळंबी, मध्यम आकाराची- १/२ कप; बटाटा- १ मध्यम (ऐच्छिक); कांदा, बारीक चिरून- १/२ कप (१ मध्यम.); भाजलेल्या खोबऱ्याचे वाटण - ३ ते ४ टेबलस्पून; आले-लसूण पेस्ट - १ टेबलस्पून; हळद - १/२ टिस्पून; हिंग-१/४ टिस्पून; दालचिनी- १ इंच; तमालपत्र- २; मालवणी मसाला- ३ ते ४ टिस्पून; गरम मसाला- १ टिस्पून; कोकम/ आमसुलं- ४ ते ५; तेल- ३ टेबलस्पून; कोथिंबीर, बारीक चिरलेली- २ टेबलस्पून; मीठ- चवीनुसार

Ingredients Serving: 4

सोललेली कोळंबी, मध्यम आकाराची- १/२ कप
बटाटा- १ मध्यम (ऐच्छिक)
कांदा, बारीक चिरून- १/२ कप (१ मध्यम.)
भाजलेल्या खोबऱ्याचे वाटण - ३ ते ४ टेबलस्पून
आले-लसूण पेस्ट - १ टेबलस्पून
हळद - १/२ टिस्पून
हिंग-१/४ टिस्पून
दालचिनी- १ इंच
तमालपत्र- २
मालवणी मसाला- ३ ते ४ टिस्पून
गरम मसाला- १ टिस्पून
कोकम/ आमसुलं- ४ ते ५
तेल- ३ टेबलस्पून
कोथिंबीर, बारीक चिरलेली- २ टेबलस्पून
मीठ- चवीनुसार

Instructions

कोळंबी सोलून तिचा मधला धागा काढावा. व्यवस्थित धुवून घ्यावी. तिला थोडेसे मीठ व हळद चोळून अर्धा तास मुरत ठेवावी.
बटाटे सोलून साधारण १ इंचाचे तुकडे करावेत. (आमच्या कोकणात वांगी, कच्चा पपई, आलकोल/नवलकोल, दुधी भोपळा इ. भाज्या सुद्धा या रश्यात घातल्या जातात. तुम्हाला आवडत नसेल तर बटाटा नाही घातला तरी चालेल. )
मोठ्या पॅनमधे किंवा कढईत तेल गरम करावे. त्यात कांदा, दालचिनी घालून तपकिरी रंगावर परतावे
हिंग, हळद व मसाला, आले-लसुण पेस्ट आणि खोबऱ्याचे वाटण घालावे. तेल सुटेपर्यंत हा मसाला परतावा.
त्यात कोळंबी घालून एक मिनिट परतून घ्यावी
पाणी, बटाटा घालून चांगले मिक्स करावे व झाकण ठेऊन मंद आचेवर ५-६ मिनीटे शिजवावे.
कोकम, गरम मसाला, कोथिंबीर टाकून हलकेच ढवळा आणि झाकून ठेवा. गॅस बंद करा. (कोकम ऐवजी २ टिस्पून चिंचेचा कोळ वापरू शकता.)
भाकरी किंवा गरम भाताबरोबर सर्व्ह करा.