Name: Ragi Lollipop recipe by Ayesha Ziana in Tamil at BetterButter
Prep time: 15 min
Cook time: 10 min
Total time: 25 min
Yield: 4
Ingredients: கேழ்வரகு மாவு 1/2 கப்; துருவிய தேங்காய் 1/8 கப்; வெல்லம் 1/4 முதல் 1/3 கப்; முந்திரி 10; நெய் 2 ஸ்பூன்; வெண்ணெய் தேவைக்கு

வெல்லத்தைக் கல்லில் வைத்து மை போல பொடித்து கொள்ளவும். முந்திரியையும் தனியாக கல்லில் வைத்து ஒன்றிரண்டாக பொடித்து கொள்ளவும்.

வாணலியில் நெய் ஊற்றி பொடித்த முந்திரியை பொன்னிறமாக வறுத்து எடுத்து வைக்கவும். அடுத்து தேங்காய் போட்டு அதையும் பொன்னிறமாக வறுத்து எடுத்து கொள்ளவும்.

பின்னர் அதே நெய்யில் ராகி மாவு சேர்த்து சிம்மில் 5 நிமிடங்கள் அல்லது நன்றாக வாசனை வரும் வரை வறுத்து எடுத்து வைக்கவும்.

ஒரு பவுலில் பொடித்த வெல்லம், முந்திரிப்பொடி, தேங்காய், ராகி மாவு அனைத்தும் சேர்த்து கலந்து வைக்கவும்.

அடுப்பில் வெண்ணெய் உருக்கி கொஞ்சம் கொஞ்சமாக பவுலில் சேர்த்து பிசையவும். மாவு பளபளப்பாக உருண்டை பிடிக்கும் அளவு வந்ததும் வெண்ணெய் நிறுத்தி விடவும். உத்தேசம் 5,6 ஸ்பூன் வெண்ணெய் வரை தேவைப்படலாம்.

பின்னர், சூட்டுடனேயே மாவை சின்ன உருண்டைகளாக உருட்டி டூத் பிக் சொருகி தட்டில் வைக்கவும்.