Name: Arabian mandi treat recipe by Nancy Samson in Tamil at BetterButter
Prep time: 300 min
Cook time: 120 min
Total time: 420 min
Yield: 5
Ingredients: அரபி மசாலா செய்ய:; தனியா - 2 மேசைக்கரண்டி + 2 தேக்கரண்டி; சீரகம் - 2 மேசைக்கரண்டி + 2 தேக்கரண்டி; மிளகு - 2 மேசைக்கரண்டி; ஏலக்காய் - 2 தேக்கரண்டி; கிராம்பு - 1 தேக்கரண்டி; பட்டை - 2 இன்ச் துண்டு; இறைச்சியை ஊறவைக்க:; முழு கோழி இறைச்சி (1+1/2 கிலோ) - எட்டு துண்டுகளாக வெட்டியது; அரபி மசாலா - 2 மேசைக்கரண்டி; வெண்ணெய் - 3 மேசைக்கரண்டி; காஷ்மீரி மிளகாய் தூள் - 2 மேசைக்கரண்டி; மிளகு தூள் - 1 தேக்கரண்டி; மஞ்சள் தூள் - 1/4 தேக்கரண்டி; உப்பு - தேவையான அளவு; சிவப்பு கலர் அல்லது பீட்ரூட் சாறு - சிறிதளவு; மண்டி சோறு செய்ய:; பாசுமதி அரிசி - 2 + 1/2 கப்; எண்ணெய் - 2 மேசைக்கரண்டி; நறுக்கிய வெங்காயம் - 1; பட்டை - 2 துண்டு; ஏலக்காய் - 2; கிராம்பு - 2; பிரிஞ்சி இலை - 2; நறுக்கிய பச்சை மிளகாய் - 4; மஞ்சள் தூள் - 1/4 தேக்கரண்டி; மிளகு தூள் - 1/2 தேக்கரண்டி; ஊறவைத்த குங்கும பூ - 1/4 கப்; மண்டி சாஸ் செய்ய:; தக்காளி - 6

அரபி மசாலா செய்ய, கொடுக்கப்பட்டுள்ள பொருட்களை ஒரு வாணலியில் எண்ணெய் சேர்க்காமல் வறுத்து வைக்கவும்.

கருக விடாமல், வாசனை வரும் வரை பொன்னிறமாக வறுப்பது அவசியம்.

வறுத்த மசாலாவை, ஆரவைக்கவும்.

ஆறிய மசாலாவை மிக்ஸியில் போட்டு நன்றாக பொடி செய்து எடுத்து வைத்து கொள்ளவும்.

5 அல்லது 6 குங்குமப்பூவை 1/4 கப் பால் அல்லது நீரில் ஒரு மணி நேரம் ஊறவைத்து எடுத்து வைத்து கொள்ள வேண்டும்.

இப்போது கோழி இறைச்சியை, நன்கு கழுவி சுத்தம் செய்து கொள்ளவும்.

இறைச்சியின் உள்ளே மசாலா இறங்க ஆங்காங்கே சிறு சிறு வெட்டுகளாக கீறி விடவும்.

இப்போது ஒரு பாத்திரத்தில், இறைச்சியை ஊறவைக்க கொடுக்கப்பட்டுள்ள பொருட்களை சேர்த்து, நன்கு பசை போல கலந்து கொள்ளவும்.

இந்த மசாலா கலவையை உப்பு காரம் சரி பார்த்து, கீறி வைத்துள்ள இறைச்சியில் அனைத்து இடங்களிலும் படுமாறு நன்கு தேய்க்கவும்.

இதனை 4 மணி நேரம் அல்லது ஒரு இரவு முழுவதும் குளிர்சாதன பெட்டியில் ஊற வைக்கவும்.

இப்போது மந்தி சோறு செய்ய, ஒரு வாணலியில் சிறிது எண்ணெய் ஊற்றி, நறுக்கிய வெங்காயத்தை சேர்த்து வதக்கவும்.

ஒரு அகலமான நுண்ணலை தாங்கி (அவன் ப்ரூப்) பாத்திரத்தில், வதங்கிய வெங்காயம், பட்டை, கிராம்பு, ஏலக்காய், பிரிஞ்சி இலை, கீறிய பச்சை மிளகாய், மிளகு தூள், மஞ்சள் தூள், உப்பு, தண்ணீர், தேவையான உப்பு சேர்த்துகலந்து வைக்கவும் .

இந்த பாத்திரத்தின் மேல் ஒரு வலை (மெஷ்) தட்டை வைத்து மூடவும்.

வலை தட்டின் மேல், ஊறவைத்த இறைச்சியை அடுக்கவும்.

இறைச்சி அரிசி கலவை பாத்திரத்தின் விட்டத்திற்குள் இருக்க வேண்டும்.

இறைச்சி வேகும் போது அதன் சாறு , உள்ளே அரிசி கலவையில் வடியும்படி கவனமாக வைக்க வேண்டும்.

இவ்வாறு செட் செய்த பாத்திரத்தை, முன்சூடாகிய(இப்ரீ ஹீடட்) நுண்ணலையில் வைத்து, 425°f இல் 15 நிமிடம் சமைக்கவும்.

15 நிமிடம் கழித்து, வெப்பத்தை 325°f ஆக குறைத்து ஒரு மணி நேரம் சமைக்கவும்.

இடையிடையே இறைச்சியை திருப்பி வைத்து சமைக்கவும்.

ஒரு மணி நேரம் கழித்து, அரிசி வைத்த பாத்திரத்தை, சரி பார்க்கவும், அரிசி வெந்து மலர்ந்து வந்திருந்தால், அரிசி பாத்திரத்தை எடுத்து வெளியே வைத்து விடவும்.

இல்லையென்றால் அரிசி வேகும் வரை சமைக்கவும்.

வெந்து வெளியே எடுத்ததும் அதில் குங்குமப்பூ நீரை சுற்றிலும் ஊற்றி, அரிசி உடையாமல் கிளறி விடவும்.

இறைச்சி நன்கு பொன்னிறமாக பொரியும் வரை சமைத்து, எடுத்து கொள்ள வேண்டும்.

இப்போது மந்தி சாஸ் செய்ய கொடுக்கப்பட்டுள்ள பொருட்களை நைசாக தேவையான நீர் விட்டு அரைத்துக் கொள்ளவேண்டும்.

இதை ஒரு சர்விங் கப்பில் வைக்கவும்.

கடைசியாக பச்சை சட்னி செய்ய கொடுக்கப்பட்ட பொருட்களை அரைத்து, தனியே சர்விங் கப்பில் வைக்கவும்.

நுண்ணலை அடுப்பு இல்லாதவர்கள், மேற்கூறிய முறையில், இறைச்சியை தந்தூரி போல தவாவில் வறுத்து கொள்ளவேண்டும்.

அதேபோல அரிசி கலவையை புலாவ் செய்முறையின் படி தனியே செய்து, இறைச்சியுடன் பரிமாறவும்.

மந்தி புலாவ் சோறு, பொரித்த இறைச்சி, அரபி மந்தி சாஸ், பச்சை சட்னி வைத்து பரிமாறவும்.

அரபு நாட்டு மண்டி சோறு அல்லது பிரியாணி விருந்து தயார்.