Name: Kova kajjikaya recipe by Lakshmi Leelavathi in Telugu at BetterButter
Prep time: 120 min
Cook time: 60 min
Total time: 180 min
Yield: 10
Ingredients: పాలు 1 లీటర్; బెల్లం 50g; పంచదార 1/2కప్పు; నెయ్యి 6 టేబుల్ స్పూన్స్; కొబ్బరికాయ 1; యాలుకలు 6; జీడిపప్పు 50 g

ముందుగా కోవా తయారు చేసుకోవాలి.

ఒక కడై తీసుకుని స్టవ్ మీద పెట్టి అందులో ఒక లీటరు పాలు పోయ్యాలి.

తర్వాత పాలుమరిగి సగం అయ్యేవరకు మరిగించాలి.ఒక పొడవాటి గరిట తీసుకుని కలుపుతూనే ఉండాలి.

తర్వాత పాలు మరిగి సగం అయ్యిన తర్వాత అందులో ఒక కప్పు లేక అర కప్పు పంచదార చూసుకుని వేసుకోవాలి.ఎక్కువ తీపి ఉన్న బాగోదు.కాబట్టి తీపి చూసుకుని పంచదార కలుపుకోవాలి.

తర్వాత కలుపుతూనే ఉండాలి పాలు దగ్గరకు వచ్చేవరకు కలుపుతూనే ఉండాలి.

చివర్లో 3 యాలుకలు తీసుకుని అందులో గింజలు మాత్రమే తీసుకునివాటిని పొడి చేసుకుని కలపాలి.3 టేబుల్ స్పూన్స్ నెయ్యి కలపాలి.

గట్టిపడే వరకు కలుపుతూ ఉండాలి.తర్వాత ఒక ప్లేట్ తీసుకుని నెయ్యి రాసి కోవాని ప్లేటులో పరుచుకోవాలి.

తర్వాత కొబ్బరి లౌజు తయారుచేసుకోవాలి.

ముందుగా పాన్లో బెల్లం 50g కొంచెం వాటర్ వేసి కలుపుతూ ఉండాలి.

లేత పాకం వచ్చేవరకు కలుపుతూ ఉండాలి తర్వాత ఒక కొబ్బరికాయ తీసుకుని ముక్కలుగా చేసుకుని మిక్సీ వేసుకుని కొబ్బరి యాడ్ చేసుకోవాలి.

కొబ్బరి లౌజు గట్టిపడేవారకు తిప్పుతూనే ఉండాలి .

యాలుకలు పొడిచేసుకొని కలుపుకోవాలి.

తర్వాత చల్లగా అయ్యేవరకు పక్కన పెట్టుకోవాలి.

చల్లగా అయ్యిన తర్వాత కోవా తీసుకొని,కొంచెం నెయ్యి చేతికి రాసుకుని కోవా అరచేతి లో తీసుకుని ఒక బిళ్లాల వత్తుకుని అందులో కొబ్బరి ఉండ చేసుకుని మధ్యలో పెట్టి గుండ్రని లడ్డులా తయారుచేసుకోవాలి.

పైన సన్నగా తరిగిన జీడిపప్పు అద్దు కోవాలి.

అంతే చాలా రుచిగా వుండే కోవా కజ్జికాయ సిద్ధం అయ్యింది.