Name: Mango mustard pickle recipe by Kavitha Perumareddy in Telugu at BetterButter
Prep time: 60 min
Total time: 60 min
Yield: 10
Ingredients: పుల్లగా వుండే మామిడికాయముక్కలు 4 గిన్నెలు; కారం ఒక గిన్నె; ఉప్పు ముప్పావు గిన్నె; ఆవపిండి ముప్పావు గిన్నె; మెంతిపిండి 2 స్పూన్స్; పసుపు 2 స్పూన్స్; వెల్లుల్లి రెబ్బలు ఒక కప్; నువ్వుల నూనె లేదా పల్లీలు నూనె కేజీ

ఆవకాయ పచ్చడి రెసిపీ గురించి

ఈ ఆవకాయ లేకుండా ఆంధ్రుల భోజనం పూర్తికాదు. అంతగా మన జీవితాలలో పెనవేసుకొని పోయింది.మామిడికాయ తో రకరకాలు పచ్చళ్ళు పెడతారు కానీ నాకు ఈ ఆవకాయ ఇలా చేస్తేనే ఇష్టం.ఇప్పుడు నేను చెప్పే కొలతలు కొత్తగా నేర్చుకునే వాళ్లకు కూడా సులభంగా అర్థం అవుతుంది.

కావలసినవి సర్వింగ: 10

పుల్లగా వుండే మామిడికాయముక్కలు 4 గిన్నెలు
కారం ఒక గిన్నె
ఉప్పు ముప్పావు గిన్నె
ఆవపిండి ముప్పావు గిన్నె
మెంతిపిండి 2 స్పూన్స్
పసుపు 2 స్పూన్స్
వెల్లుల్లి రెబ్బలు ఒక కప్
నువ్వుల నూనె లేదా పల్లీలు నూనె కేజీ

సూచనలు

ముందుగా మామిడి కాయలు కడిగి టవల్ తో తుడిచి తడిలేకుండా ఆరబెట్టుకోవాలి.
తరువాత ముక్కలు చేసుకోవాలి.
ఇక్కడ నేను పది కాయలు తీసుకున్నాను . అన్ని పచ్చివే వేసాను ఆవపిండి, మెంతిపిండి, వెల్లుల్లి, నూనె వేటిని వేడి చేయలేదు.అన్ని పచ్చిగా వాడాను .
ముక్కలు ఒక గిన్నెతో కొలుచుకోవాలి.నాలుగు గిన్నెలు ముక్కలు ఐతే అదే గిన్నెతో కారం ఒక గిన్నె,ఉప్పు ముప్పావు గిన్నె ,ఆవపిండి ముప్పావు గిన్నె,నూనె ఒక గిన్నె తీసుకోవాలి .ఇలా కొలతలు చూసుకోవలి. నూనె తక్కువ ఐతే వేసుకోవచ్చు.
ఇప్పుడు పెద్ద బేసిన్ లో మామిడి ముక్కలు వేసి 2 స్పూన్ నూనె వేసి 2 స్పూన్ పసుపు వేసి బాగా కలిపి అరగంట సేపు ఉండాలి.
తరువాత ఉప్పు,కారం, ఆవపిండి, మెంతిపిండి వేసి అంతా ముక్కలకు కలిసేలా బాగా కలుపుకోవాలి. తరువాత నూనె ,వెల్లుల్లి వేసి బాగా కలిపి మూత పెట్టి 2 డేస్ ఉండాలి.
రెండురోజుల తరువాత పచ్చడి మళ్ళీ అంతా బాగా కలిపి శుభ్రమైన జాడీలో తీసుకోవాలి. తడి ఎక్కడా తగలకూడదు. మిక్సీలో ఆవపిండి వేసేటప్పుడు తడి లేకుండా ఉండాలి.
మంచి సువాసనతో మామిడికాయ ఆవకాయ సిద్ధం .తడి తగలకుండా కొంచెం కొంచెం వేరే గిన్నెలో తీసుకుంటూ వాడుకుంటే సంవత్సరం వరకు చెడిపోదు. ఉప్పుకారం అన్నీ చూసుకోవాలి.ఉప్పు అస్సలు తక్కువ కాకూడదు.

వంట ప్రారంభిద్దాం