మునగాకు సొరకాయ మల్టీగ్రైన్ ముథియా

ముందుగా మునగాకులను వలిచి కడిగి ఆరపెట్టుకోవాలి. మెంతికూర & కొత్తిమీర కరివేపాకు కూడా వలిచి కడిగి పెట్టుకోవాలి.సొరకాయను చెక్కు తీసి తురిమి పెట్టుకోవాలి.

ఇప్పుడు ఒక వెడల్పు ప్లేట్ లో బియ్యంపిండి ,శనగపిండి ,సజ్జపిండి, జొన్నపిండి ,గోధుమపిండి ,బొంబాయి రవ్వ ,ఉప్పు, పసుపు ,ఇంగువ ,నువ్వులు సిద్ధంగా పెట్టుకోవాలి.

పొడి పదార్థాలు అన్ని ఒకసారి కలిసేట్టుగా కలుపుకోవాలి. అందులో మునగాకులు, మెంతిఆకులు, కొత్తిమీర తరుగు ,సోరకాయ తురుము, పచ్చిమిర్చి అల్లం వెల్లులి పేస్ట్ వేసి కలుపుకోవాలి పైన సరిపడా పెరుగు వేసి గట్టిగా కలుపుకోవాలి. కొంచం నూనె కూడా వేసి ముద్ద చేసుకోవాలి.

పిండి ముద్దను మనకి నచ్చిన ఆకారంలో ముద్దను చేసుకోవాలి.ఇప్పుడు స్టవ్ పైన గిన్ని లో నీరు వేసి మరిగాక నూనె రాసిన చిల్లుల ప్లేట్ పెట్టి తయారు చేసిన ముద్ద పెట్టి మూత పెట్టి ఒక 15 నిమిషాలు సన్నని మంటపైన ఉడికించుకోవాలి.

ఉడికిన ముద్దను చల్లారనిచ్చి అరఅంగుళం మందం చక్రాలు లాగ కట్ చేసి పైన నూనె చల్లుకొని పెట్టుకోవాలి.

ఇప్పుడు కడాయి పెట్టి 2 tbsp నూనె వేసి కాగాక ఆవాలు ,నువ్వులు ,జీలకర్ర, కర్వేపాకు ,దంచిన యండుమిర్చి, మునగాకు వేసి వేగనివ్వాలి.

తయారైన ముక్కలను వేసి జాగ్రత్తగా కలుపుకుని రెండు వైపులా దోరగా కాల్చుకొవాలి .

అంతే రుచికరమైన గుజరాతీ స్నాక్ మునగాకు సొరకాయ ముల్తిగ్రైన్ ముథియా రెడీ..