Name: wheat halwa recipe by Kavitha Perumareddy in Telugu at BetterButter
Prep time: 20 min
Cook time: 30 min
Total time: 50 min
Yield: 5
Ingredients: గోధుమపిండి 250 గ్రామ్స్; బెల్లము 350 గ్రామ్స్; నెయ్యి 150 గ్రామ్స్; జీడిపప్పు 50 గ్రామ్స్

ముందుగా ఒక గిన్నెలో గోధుమపిండి వేసి నీళ్లుపోసి చాలా లూజుగా పిండి కలుపుకోవాలి.ఉండలు లేకుండా చూడాలి.

తరువాత ఒక గిన్నె తీసుకొని దానిపైన జ్యూస్ వడకట్టేది పెట్టి చాలా పలచాటి క్లాత్ వేసుకోవాలి.ముందుగా కలిపిన పిండిని ఈ క్లాత్ లో వడకట్టుకోవాలి ...స్పున్ తో కదుపుతూ ఉంటే పిండి కిందికి గిన్నెలోకి దిగుతుంది.

అవసరమైతే ఇంకా కొద్దిగా నీళ్లుపోసుకుంటు కలుపుతూ వడకట్టాలి.సన్నటి పిండి కిందికి దిగుతోంది.పైన పొట్టు మిగిలి పోతుంది ...దానిని పడేయాలి.

ఈ పిండిని అలా పెట్టుకొని పోయిమీద మందంగా వుండే బాండిపెట్టి బెల్లము తురుము తగినన్ని నీళ్లు పోసి తీగ పాకం రానివ్వాలి.ఇప్పుడు నానినపిండిని మళ్ళీ అంతా స్పున్ తో కలిపి పాకంలో కలుపుకుంటూ వేసుకోవాలి.

కొద్దిగా దగ్గరపడిన తరువాత నెయ్యి కొద్దికొద్దిగా వేసుకుంటూ కలుపుతూ కలుపుతూనే ఉండాలి.

ఇలా నెయ్యి మొత్తం వేసుకొని కలుపుతూనే ఉండాలి.తరువాత జీడిపప్పు వేసి కలపాలి .జీడిపప్పు వేయించక పోయిన పర్లేదు .ఇలా బాగా కలుపుతూ దగ్గర పడిన తరువాత స్టవ్ ఆఫ్ చేసుకోవాలి.