బ్రోకలీ సూప్ తో వెజ్ చీజ్ శాండ్విచ్.

పాను పెట్టి కొద్దిగా ఆలివ్ నూని, కొద్దిగా బట్టర్ వేసి వేడిచేసి దాల్చిన చెక్క,బిర్యానీ ఆకు వేసి అరనిమిషం వేయించాలి.

ఇప్పుడు వరుసగా ఉల్లిపాయముక్కలు,కారం,వెల్లుల్లి,సెలరీ, కేరేట్,వేసి 3 నిమిషాలు వేగనివ్వాలి. ఇప్పుడు బ్రోకలీ ముక్కలు కూడా వేసి వేయించి బాగా మగ్గిన తరువాత అందులో లీటర్(నేను కార్న్ ఉడికించిన నీళ్లు తీసుకున్నాను) నీళ్లు పోసి పావుగంట సేపు మూతపెట్టి బాగా మరిగిన తరువాత కొద్దిగా దిల్ ఆకులు వేసి మూత పెట్టి దించి పది నిమిషాలు పక్కన పెట్టుకోవాలి.

ఈ లోగా శాండ్విచ్ కి కోసం తరిగిన కూర ముక్కలు అన్నీ ఒక గిన్నీలోకి వేసి ఉప్పు మిరియాలపొడి,మ్యాగీ గార్లిక్ చిల్లి సాస్ అన్ని బాగా కలిపి ఉంచాలి.

ఇప్పుడు బ్రెడ్ ముక్కలను తీసుకొని దానిమీద క్రీమ్ చీజ్ రాసి,కలిపిన కూరల మిశ్రమాన్ని కొద్దిగా వేసి, ఇంకో బ్రెడ్ ముక్కను పెట్టి దాని మీదకూడా చీజ్ రాసి మళ్ళీ కూర మిశ్రమాన్ని పెట్టి చివరిగా ఇంకో బ్రెడ్ ముక్కుతో కప్పి ఉంచాలి.ఇది ఒక సెట్ అన్న మాట.

ఇప్పుడు మళ్లీ ఇంకో 3 బ్రెడ్ ముక్కలతో పైన చెప్పిన విధంగా ఇంకో శాండ్విచ్ సెట్ ని కూడా సిద్ధం చేసుకోవాలి.

ఇప్పుడు సూప్ దగ్గరికి వద్దాం.ఇందాక దించి పక్కన పెట్టిన కూరముక్కలు కొద్దిగా వేడి తగ్గి ఉంటాయి ఇప్పుడు అందులో ఉన్న బిర్యానీ ఆకు మరియు చెక్కలను తీసేసి మిగతవాటి అన్నిటినీ కలిపి ఒక హాండ్ బ్లెండర్ సాయంతో ఆముక్కలు అన్ని పేస్ట్ లా చెయ్యాలి నీళ్లు తీసేయ్యకూడదు.మిక్సీలో కూడా చేసుకోవచ్చు.

ఇప్పుడు ఇలా మిక్సీ వేసిన సూప్ ని ఒక మూకుడులో వేసి పొయ్యిమీదపెట్టి కాస్త బటర్ వేసి బాగా వేడిచెయ్యాలి. 2 నిమిషాలు కాగిన తరువాత దించి తాజా క్రీమ్ ని బాగా కలిపి బౌల్ లోకి తీసుకోవాలి.