బంగాళా డుంప వంకాయా కూర

కూర చేసుకోవటం మొదలు పెట్టె ముందు మసాలా పేస్టుని తయారు చేసుకుందాం. అందుకని మసాలా పేస్టుకి కావాల్సిన 1స్పూన్ : గసగసాలు, 1స్పూన్ : ధనియాలు, చిన్న ముక్క : దాల్చిన చెక్క, 1 స్పూన్ : అల్లం వెల్లుల్లి ముద్ద , 2 : లవంగాలు, 2 స్పూన్ల్ : ఎండు కొబ్బరి వేసి సరిపడ నీళ్లు పోసి ముద్దలా చేసుకోండి. ఇప్పుడు ఒక పాన్ పెట్టి నూనె వేసి వేడి అయిన తరువాత ఉల్లిపాయ ముక్కలు వేసి రంగు మారేంత వరకు వేయించుకోవాలి.

తరువాత బంగాళా దుంప ముక్కలు వేసి మగ్గించుకోవాలి. అవి మగ్గిన తరువాత వంకాయ ముక్కలు వేసి మగ్గనివ్వాలి.

తరువాత పసుపు, కారం, ఉప్పు, రుబ్బి పెట్టుకున్న మసాలా ముద్దని వేసి మరికొద్ది సేపు మగ్గనిచ్చి నీళ్లు పోసుకుని ఉడకనివ్వాలి.

కూర దెగ్గరపడి పూర్తిగా ఉడికిన తరువాత తరిగిన కొత్తిమీర వేసుకోని స్టవ్ ఆపుకోండి.

ఎంతో రుచిగా ఉండే వంకాయ బంగాళా దుంప కూర రెడి. మీరు చేసుకొని ఆనందించండి.