Name: Garlic Chivda recipe by Deepa Gad in Marathi at BetterButter
Cook time: 60 min
Total time: 60 min
Yield: 10
Ingredients: पातळ पोहे १/२ किलो; शेंगदाणे ५० ग्राम; लसूण पाकळ्या १/२ वाटी; डाळे ५० ग्राम; सुके खोबरे अर्धी वाटी; हिरव्या मिरच्या १२; कढीपत्ता १ वाटी; धने १ च; तीळ १ च; मीठ चवीनुसार; पिठीसाखर १ च; हिंग १/२ च; मोहरी १/२ च; तेल १/२ वाटी

लसूण चिवडा कृती बद्दल

माझी आई चिवड्यात लसूण ठेचून घालते, त्या चिवड्याला मस्त लसणीचा वास लागतो मग चव तर अप्रतिम लागते, चला तर मग बघू या लसणी चिवडा ......

साहित्य सर्विंग: 10

पातळ पोहे १/२ किलो
शेंगदाणे ५० ग्राम
लसूण पाकळ्या १/२ वाटी
डाळे ५० ग्राम
सुके खोबरे अर्धी वाटी
हिरव्या मिरच्या १२
कढीपत्ता १ वाटी
धने १ च
तीळ १ च
मीठ चवीनुसार
पिठीसाखर १ च
हिंग १/२ च
मोहरी १/२ च
तेल १/२ वाटी

सूचना

पोहे चाळून घेऊन थोडे थोडे कढईत घालून भाजून घ्या, भाजताना त्यात चिमूटभर मीठ घाला म्हणजे पोहे आक्रसत नाही
हिरवी मिरची चिरुन घ्या, खोबरे पातळ काप करा, लसूण सोलून ठेचून घ्या, कढीपत्ता धुवून कोरडा करून घ्या, शेंगदाणे भाजुन सोलून घ्या,
मोठया कढईत तेल घालून हिंग, मोहरी तडतडली की क्रमाक्रमाने लसूण, हिरवी मिरची कुरकुरीत होईपर्यंत भाजा
आता त्यात खोबर्याचे काप घालून लालसर होईपर्यंत भाजल की बाकीचे साहित्य धने, तीळ, शेंगदाणे, मीठ, साखर घाला
शेवटी डाळे व हळद टाकून परतून भाजलेले पोहे चाळून घाला व दोन बाजूला कढई पकडून चिवडा वरखाली करा, चमच्याने जास्त ढवळू नका पोहे कुस्करतात
थोडावेळ ५ मिनिटे गॅसवर ठेवून मग गॅस बंद करा, थोडा थंड झाला की त्यावर झाकण ठेवू नका पेपर ठेवा म्हणजे पूर्णपणे थंड झाले की प्लास्टिक पिशवीत घालून मग डब्यात भरून ठेवा

तत्सम पाककृती