Name: Tender cashews usal recipe by Shraddha Juwatkar in Marathi at BetterButter
Cook time: 30 min
Total time: 30 min
Yield: 6
Ingredients: पाव किलो शेवग्याच्या शेंगा; दोन वाट्या ओले काजूचे गर; हिरवे वाटण: लसूण,आले,हिरव्या मिरच्या व कोथिंबीर; भाजलेले वाटण: एक उभा चिरलेला कांदा थोडे तेल घालून लालसर भाजून घ्यावा व त्यात एक वाटी किसलेले सुके खोबरे घालून भाजून घ्यावे व मिक्सरमध्ये बारीक वाटून घ्यावे; एक मध्यम टोमॅटो बारीक चिरून; फोडणी साठी तेल, जिरे व एक कांदा बारीक चिरून; आवडीनुसार मालवणी मसाला किंवा संडे मसाला; थोडीशी हळद; चवीनुसार मीठ व एक दोन आमसूल

साहित्य सर्विंग: 6

पाव किलो शेवग्याच्या शेंगा
दोन वाट्या ओले काजूचे गर
हिरवे वाटण: लसूण,आले,हिरव्या मिरच्या व कोथिंबीर
भाजलेले वाटण: एक उभा चिरलेला कांदा थोडे तेल घालून लालसर भाजून घ्यावा व त्यात एक वाटी किसलेले सुके खोबरे घालून भाजून घ्यावे व मिक्सरमध्ये बारीक वाटून घ्यावे
एक मध्यम टोमॅटो बारीक चिरून
फोडणी साठी तेल, जिरे व एक कांदा बारीक चिरून
आवडीनुसार मालवणी मसाला किंवा संडे मसाला
थोडीशी हळद
चवीनुसार मीठ व एक दोन आमसूल

सूचना

शेंगा सोलून मध्यम आकारात ३ ते ४ इंचाचे तुकडे करावे.
काजू रात्रभर पाण्यात घालून ठेवायचे किंवा लगेच हवे असतील तर पाण्यात घालून एक उकळी येऊ देणे
पातेले गॅसवर ठेऊन तेल घालून जिरे घालून फोडणी करावी. त्यात बारीक चिरलेला कांदा परतावा.
कांदा सोनेरी रंगावर आला की त्यात हिरवे वाटण घालून परतावे.कच्चा वास गेला की मालवणी मसाला व हळदपूड घालून परतावे.
आता त्यात काजूचे गर व शेंगा घालून गरांना आणि शेंगांच्या तुकड्यांना मसाला चिकटू द्यावा.मग त्यात गरम पाणी अंगासरसे घालावे.
एक उकळी आली की,टोमॅटो घालून.खोबऱ्याचे वाटण ,मीठ घालून झाकणी ठेवावी.झाकणीवर पाणी ठेऊन मंद आचेवर शिजवावे
भाजी शिजत आली की, गरम मसाला व आमसूल घालून दोन मिनिटांनी उतरावी.

तत्सम पाककृती