Name: Methiche kanvale recipe by Pranali Deshmukh in Marathi at BetterButter
Prep time: 20 min
Cook time: 15 min
Total time: 35 min
Yield: 3
Ingredients: 1/2 कि मेथी; 1 वाटी कणीक; 1 कांदा; 1 टमाटर; 2हिरव्या मिरच्या; 2लसूण पाकळ्या 1 tbs जिरं; तेल 2 tbs; तिखट 1 tbs; हळद 1/2 tbs; मीठ

मेथीचे कानवले कृती बद्दल

लहानपणी मला अजिबात मेथी आवडत नव्हती , पण एक दिवस आजीनी एक आगळा वेगळा खूप चविष्ट पदार्थ बनवला इतका आकर्षक दिसत असल्यामुळे मी काहीच न विचारता अगदी मस्त ताव मारला आणि मला टिफिनमध्ये पण दे असं आजीला सांगितलं . खाऊन झाल्यावर आजीला विचारलं ," काय बनवलं होतं गं तू आज , तिने गालातल्या गालात हसून उत्तर दिलं , मेथीचे कानवले आणि बस त्यादिवशीपासून मेथी माझी प्रिय झाली .मेथी खूप गुणकारी आहे मुलं मात्र खाण्याचा कंटाळा करतात मग मी असेच हेल्दी आणि रुचकर कानवले बनवून देते . माझ्या आजीने बनवलेला प्रत्येक पदार्थ खूप आवडतो मला अन्नपूर्णाच ती त्यातला हा एक .

सूचना

मेथी निवडून घ्या आणि स्वच्छ धुवून घ्या
कणिक घ्या त्यामध्ये मीठ आणि 1 वाटीभर मेथी हातानी तोडून मिक्स करा
आता हळूहळू पाणी घालून पीठ मळून घ्या
कढईत तेल टाका तेल तापलं कि जिरं लसूण मिरची कांदा टाका
तिखट हळद मीठ आणि टमाटर टाका
आता बाकीची मेथी हातांनीच तोडून टाका कारण अशाप्रकारे कडवटपणा येत नाही
1 कप पाणी घालून झाकण ठेवा
आता पीठ चुरून घ्या छोटासा उंडा घेऊन खूप पातळ पोळी लाटा
पूर्ण पोळीला तेल लावा आणि दुमट मारा
परत तेल लावा आणि जशी घडीची पोळी फोल्ड करतो अशाप्राकारे करा
आता वाफ आलेल्या भाजीमध्ये हे कानवले सोडा आणि झाकण ठेवा 6-7 मिनिट झाल्यावर परतवा आणि परत 3-4 मिनिट होऊ द्या
जर रस्सा आवडत असेल तर थोडं पाणी असताना गॅस बंद करा नाहीतर पाणी आटल्यावर बंद करा.
मेथीचे कानवले रेडी अशाप्रकारे भरपूर प्रमाणात मेथी मुलांना देऊ शकतो शिवाय आपणही अगदी झटपट बनवू शकतो .
1

तत्सम पाककृती