Name: Tilgulachya Koslya recipe by Vaishali Joshi in Marathi at BetterButter
Prep time: 20 min
Cook time: 30 min
Total time: 50 min
Yield: 2
Ingredients: तांदळा चे पीठ १ कप; तिळ ३/४ कप; गुळ १ कप; बेसन २ टी स्पून ( थोड्या तेलात भाजून घ्यावे ); वेलची पावडर १/४ चमचा; साजुक तूप; तेल १ चमचा; पाणी ११/२ कप

तिळ भाजून जाडसर कूट करून त्यात पातळ केलेला गुळ ( कुकर लावताना वरण भाता सोबत सगळ्यात वर एक पसरट भांड्यात गुळ ठेवून झाकून कुकर मधे ठेवला की छान सरसरीत होउन तो थंड झाल्यावर मऊ होतो ) , २ चमचे भाजलेले अख्हे तिळ ,बेसन आणि वेलची पुड घालून हाताने एकजीव करून सारण बनवून ठेवा

गैस वर ११/२कप पाणी उकळत ठेवा ते उकळल्यावर त्यात १ चमचा तेल आणि चिमुटभर मीठ घालून तांदुळा ची पीठी घालून मिक्स करा व १० मिनिट झाकून ठेवून उकड काढून घ्या

उकड़ थोड़ी थंड झाल्यावर तेल व पाण्य़ाच्या हाताने अगदी मऊ मळून घ्या आणि छोटे छोटे गोळे करून घ्या

एक एक गोळा घेवून छोट्या पोळी एवढे लाटून घ्या आणि त्यात मधोमध सारण टाकुन करंजी सारख दुमडून घ्या व कड़ा पाण्या चा हात लावून चिपकवून घ्या आणि हाताने थोड प्रेस करून चापट करून घ्या

गैस वर एक पातेल्यात पाणी टाका व् भांडयाचे वर पांढरे मलमल चे कापड बांधून घ्या आणि पाणी उकळायला लागल्यावर कपड्यावर एका वेळी दोन कोसल्या ठेवा आणि दोन्ही बाजूने वाफवून घ्या . तुम्ही चाळणी वर सुद्धा वाफवू शकता .

काढून घ्या , अशाच प्रकारे सर्व कोसल्या करून घ्या