Name: Ladoo(South India Spl) recipe by Mallika Udayakumar in Tamil at BetterButter
Prep time: 10 min
Cook time: 25 min
Total time: 35 min
Yield: 10
Ingredients: கடலைமாவு-500கிராம்; சர்க்கரை-600, கிராம்; உப்பு -தேவையான; மஞ்சள் தூள்-1/4 ஸ்பூன்; சமையல் சோடா-1/4ஸ்பூன்; குங்குமப்பூ-10 இதழ்; ஏலக்காய் தூள்-2-3 ஸ்பூன்; முந்திரி, திராட்சை -75 கிராம் (தலா); கிராம்பு -10; நெய் -100-200மில்லி; சமையல் எண்ணெய்-1லிட்டர்

லட்டு (தென்னிந்திய ஸ்பெஷல்) செய்முறை பற்றி

லட்டு தென்னிந்திய ஸ்பெஷல்.கண்ணா.... லட்டு தின்ன ஆசையா?” இந்த வசனத்தை அடிக்கடி நாம் கேட்கிறோம்...லட்டு என்றால் யாருக்குத்தான் ஆசை இருக்காது? .லட்டு என்ற பெயர் சமஸ்க்ருதத்திலிருந்து வந்திருக்கலாம். லட்டூக என்றால் உருண்டையான வடிவம் என்று பொருளாம். (அப்போ லட்டு லட்டா மார்க் வரும்னா முட்டை மார்க்குன்னா அர்த்தம்?ன்னு கேக்கக்கூடாது) இந்த லட்டு இல்லாத திருமணமோ விழாவோ கிடையாது என்று சொல்லலாம். திருப்பதி லட்டு என்றால் தெரியாதவர்கள் உண்டோ?

வழிமுறைகள்

தேவையான பொருட்கள் அனைத்தையும் எடுத்துக் கொள்ளவும்
படத்தில் உள்ளது போல் ஓட்டைக்கரண்டி இருந்தால் நல்லது.இல்லை என்றால் வீட்டிலேயே உள்ள சாதாரண ஓட்டை கரண்டியால் செய்யவும்
அரை கிலோ கடலைமாவு எடுத்து கொள்ளவும்
அதில் சிறிது மஞ்சள் தூள் சேர்க்கவும்
சமையல் சோடா உப்பு சிறிதளவு சேர்க்கவும்
இதற்கு 250 மில்லி தண்ணீரில் கலந்து கொள்ளவும்
ஏலக்காய் தூள் செய்யவும்
முந்திரி திராட்சையை நெய்யில் வறுத்து எடுக்கவும் அதில் கிராம்பு சேர்த்து பொன்னிறமாக பொரித்து எடுக்கவும்
சர்க்கரை பாகுக்கு -சர்க்கரை 600கிராம் உடன் தண்ணீர் 300 மில்லி தண்ணிர் ஊற்றி கம்பி பதம் வரும்வரை காய்ச்சவும், அதில் குங்குமப்பூ சேர்த்து கொள்ளவும்
கரைத்த மாவை இன்னொரு பாத்திரத்தில் மாற்றிக் கொள்ளலாம்
கடாயில் எண்ணெய் ஊற்றி காய்ய விடவும்
லட்டுக்கு பூந்தி சுட ... இப்படி மாவு பதமாக இருக்கவேண்டும்
காய்ந்த சூடான எண்ணெயில் ஊற்றி, படத்தில் உள்ளது போல் ஓட்டைக்கரண்டியில் ஊற்றினால் பூந்தி முத்து முத்தாக உதிரும்
இதை சத்தம் அடங்கியதும் உடனே எடுக்கவும்.மிக முருவலாக எடுக்க வேண்டாம்
இந்த அளவு போதும்
பூந்தியை எடுத்து இன்னொரு பாத்திரத்தில் போடவும்
இதை போல்
பின்னர் சர்க்கரை பாகு ஒற்றை கம்பி பதம் ஆனவுடன் அதில் பூந்தியை சேர்க்கவும்
முந்திரி திராட்சையை கிராம்பு சேர்த்து கொட்டவும்
இதை டைமண்ட் கல்கண்டு, பச்சைக் கற்பூரம் சேர்த்துக் கொள்ளலாம், சர்க்கரை பாகு - பூந்தி கலவையில் கொட்டிக் கிளறவும். கை பொறுக்கும் சூட்டில் லட்டு பிடிக்கவும்.
5: கிளறவும்.நெய் தேவைப்பட்டால் 50 மில்லி ஊற்றவும்
மரக்கட்டை கரண்டியால் குத்தவும்
பிறகு லட்டு பிடிக்கவும்
ஆஹா அருமையான லட்டு தயார்
கடைபோல உருண்டையாக வர ... படத்தில் உள்ளது போல உருட்டவும்
லட்டு தயார்(இயற்கை கலர் தான்)
கிட்டத்தட்ட அரை கிலோ கடலைமாவுக்கு 65 லட்டு கிடைத்தது.

ஒருவகைப்பட்ட செய்முறைகள்