पनीर टिक्का मसाला | Paneer Tikka Masala Recipe in Marathi

प्रेषक Ajinkya Shende  |  17th May 2018  |  
0 from 0 reviews Rate It!
  • Paneer Tikka Masala recipe in Marathi,पनीर टिक्का मसाला, Ajinkya Shende
पनीर टिक्का मसालाby Ajinkya Shende
  • तयारी साठी वेळ

    30

    मि.
  • बनवण्यासाठी वेळ

    45

    मि.
  • किती जणांसाठी

    3

    माणसांसाठी

9

0

पनीर टिक्का मसाला recipe

पनीर टिक्का मसाला बनवण्यासाठी साहित्य ( Ingredients to make Paneer Tikka Masala Recipe in Marathi )

  • टिक्का साठी-
  • २०० ग्रॅम पनीर चे मोठे चौकोनी तुकडे
  • एका लहान कांद्याचे मोठे तुकडे
  • एका लहान टोमॅटोचे मोठे तुकडे
  • एका लहान सिमला मिरचीचे मोठे चौकोनी तुकडे
  • पाणी निथरवून घेतलेलं घट्ट दही
  • १ चमचा काश्मिरी लाल मिरची पावडर
  • अर्धा चमचा धणा-जीरा पावडर
  • अर्धा चमचा गरम मसाला
  • अर्धा ते पाऊण चमचा आलं लसूण पेस्ट
  • मीठ चवीप्रमाणे
  • तेल २ चमचे
  • मेल्टेड बटर
  • ग्रेवी साठी-
  • ३ मोठ्या आकाराचे मोठ्या आकारात कापलेले कांदे
  • २ मोठ्या टोमॅटोचे मोठ्या आकारात कापलेले तुकडे
  • ७-८ काजू
  • ५-७ लसूण पाकळ्या
  • छोटा तुकडा आलं
  • तेल
  • बटर
  • २ चमचे काश्मिरी लाल मिरची पावडर
  • अर्धा चमचा धणा जीरा पावडर
  • पाव चमचा हळद
  • अर्धा चमचा किचन किंग मसाला
  • पाऊण चमचा गरम मसाला
  • थोडी कसुरी मेथी
  • चवीप्रमाणे मीठ
  • कोथिंबीर

पनीर टिक्का मसाला | How to make Paneer Tikka Masala Recipe in Marathi

  1. प्रथम एका बाऊल मध्ये घट्ट दही घेऊन त्यात लाल मिरची पावडर,धणा जीरा पावडर,गरम मसाला,मीठ,आलं-लसूण पेस्ट व तेल टाकून दही व्यवस्थित मिक्स करून घ्यावे.
  2. नंतर त्यात पनीर व भाज्यांचे तुकडे टाकून व्यवस्थित मिक्स करून घ्यावे व झाकून फ्रिज मध्ये १५-२० मिनिट मॅरीनेट करण्यासाठी ठेवावे.
  3. तोपर्यंत एका पॅन मध्ये ४-५ चमचे तेल टाकून तेल तापल्यावर त्यात कांदा टाकून कांदा गुलाबीसर होईपर्यंत भाजून घ्यावा.
  4. नंतर त्यात टोमॅटो टाकून टोमॅटो व्यवस्थित नरम शिजेपर्यंत परतवून घ्यावे व थंड झाल्यावर भिजवलेले काजू,आलं व लसूण टाकून ह्याची मिक्सर मध्ये स्मूथ पेस्ट बनवून घ्यावी.
  5. नंतर पॅन मध्ये २ चमचे तेल आणि २ चमचे बटर टाकून तेल व बटर व्यवस्थित तापल्यावर त्यात तयार मसाला पेस्ट टाकून ३-४ मिनिट परतवून घ्यावी.
  6. नंतर त्यात लाल मिरची पावडर,हळद,धणा जीरा पावडर व किचन किंग मसाला टाकून ग्रेवी तेल सुटेपर्यंत परतवून घ्यावी व आवश्यकतेनुसार पाणी आणि चवीप्रमाणे मीठ टाकून ग्रेवी मध्यम आचेवर शिजू द्यावी.
  7. तोपर्यंत दह्यात मॅरीनेट केलेलं पनीर व भाज्या ग्रिल पॅन वर मेल्टेड बटर लावून व्यवस्थित ग्रिल करून घ्यावे(ग्रील पॅन नसल्यास फ्राय पॅन मध्ये पनीर व भाज्या टॉस करून घेऊ शकता).
  8. ग्रेवी मध्ये ग्रील केलेलं पनीर,भाज्या,गरम मसाला,कसुरी मेथी,थोडी कोथिंबीर व मॅरीनेशन करून उरलेलं दही टाकून भाजी २-३ मिनिट शिजवून घ्यावी.
  9. तयार भाजी सर्विंग प्लेट मध्ये काढून वरून कोथिंबीर टाकून गार्निश करून घ्यावी व बटर पराठ्यासोबत सर्व करावी.

My Tip:

ग्रील केलेल्या पनीर व भाज्यांना कोळश्याचा स्मोक दिला तर चव अजून चांगली लागते.

Reviews for Paneer Tikka Masala Recipe in Marathi (0)