भाकरीचा चिवडा

प्रथम भाकरी मिक्सरच्या भांड्यात घालून ओबडधोबड (खूप बारीक नाही आणि खूप मोठीही नाही ठेवायची) फिरवून घ्यावी.

त्यानंतर जिरे, लसूण, मिरची, थोडे मीठ आणि कोथिंबीर यांचे मिक्सरला वाटण करून घ्यावे.

त्यानंतर गॅसवर एका कढईत तेल घालून तापत ठेवावे, तोपर्यंत कांदा बारीक चिरून घ्यावे आणि शेंगदाणे वाटीने ओबडधोबड करून घ्यावेत.

तेल तापले की त्यात हिंग, हळद, असेल तर कढीपत्ता, शेंगदाणे आणि मिरचीचे वाटण घालावे.

थोडे परतले कि त्यात कांदा घालावा.

कांदा थोडा परतला कि त्यात मिक्सर मध्ये फिरवलेली भाकरी घालावी.

नंतर यात आवश्यक तेवढे मीठ घालून चांगले हलवून घ्यावे.

भाकरी शिळी असल्यामुळे त्यात एका हाताची ओंजळ केल्यावर त्यात जेवढे पाणी बसेल तेवढे पाणी घेऊन त्याचा हबका मारावा. आणि पुन्हा एकदा हलवून झाकण ठेवून बारीक गॅस वर दहा मिनिटे ठेऊन द्यावे.

दहा मिनिटांनी झाकण उघडल्यावर मस्त घमघाट सुटेल. आता मस्तपैकी कोथिंबीर घालावी आणि एकदा हलवून झाकण ठेऊन 2 मिनिटांनी गॅस बंद करावा.

गरमागरम नाष्टा तय्यार ! संध्याकाळी 5 वाजता भूक लागते त्यावेळी केले तर अगदी अप्रतिम.