உடல் எடை குறைக்க விரும்புபவர்கள் தவிர்க்க வேண்டிய உயர்-கலோரி காய்கறிகள்

Spread the love

எடை சமாளிப்பு / கட்டுப்பாடு என்பது சில குறிப்பிட்ட உணவு வகைகளை சரியான நேரத்தில் உண்பது மட்டுமல்ல. ஆரோக்யமானதாக இருந்தாலும், உயர்-கலோரி தன்மையால் சில உணவு வகைகளை தவிர்ப்பதும் ஆகும். இதை பின்பற்றுவதால் எளிதாக எடையை குறைக்கலாம். உடல் எடையை அதிகரிக்கச் செய்வதால், நீங்கள் தவிர்க்க வேண்டிய சில காய்கறிகள் இங்கே கொடுக்கப்பட்டுளன:

 

1.சர்க்கரைவள்ளி கிழங்கு / சீனி கிழங்கு

யாருக்குதான் சர்க்கரை வள்ளி கிழங்கை மறுக்க மனம் வரும்? அதில் செய்யப்படும் வறுவல், நூடுல்ஸ், டோஸ்ட் போன்ற பலவகையான பதார்த்தங்கள் ஆற்றல் தரும், ருசியான, திருப்தியான உணவாக இருக்கிறது. ஆனால் தேவையற்ற கலோரிகளை அளிப்பதன் மூலம்   எடை குறைப்பிற்கு தடையாகவும் இருக்கிறது. 100 கிராம் சர்க்கரைவள்ளி கிழங்கில் 86 கலோரிகள் இருப்பதால், அதை வாரத்திற்கு ஒன்று அல்லது இரு முறை மட்டுமே உண்ண வேண்டும்.

 

2.சோயாபீன்

எண்ணற்ற நன்மைகளை கொண்ட சோயாபீன், ஒவ்வொரு 100 கிராமிலும் 446 கலோரிகளை கொண்ட ஒரு உயர்-கலோரி உணவாகும். சோயாபீன் அதிகமான நார்ச்சத்துடையதாலும், இதய ஆரோக்யத்திற்கு ஏற்றதாலும், எண்ணற்ற வைட்டமின்கள், தாதுக்கள் நிறைந்ததாலும் அதை நீங்கள் உண்பவராக இருக்கலாம்.ஆனால், அதே சமயம் நீங்கள் அதிகபட்ச தினசரி கலோரிகளை தவிர்ப்பதில் கவன செலுத்துபவராக இருப்பின், உங்கள் உணவில் இதை சேர்ப்பது உகந்ததல்ல.

 

3.பட்டாணி

ஆரோக்யமான உணவு எவ்வளவு முக்கியமோ, அதே அளவு சீரான உணவும் மிக முக்கியம். அதனால் தினசரி நாம் உண்ணும் உணவின் கலோரி அளவுகளை தெரிந்து கொண்டு உண்பது அவசியம். ஊட்டச்சத்துக்களும்,  வைட்டமின் K, C, மாங்கனீஸ், நார்ச்சத்துக்கள் போன்றவைகளும் நிறைந்துள்ள பட்டாணி, எடை சீரமைப்பிற்கு ஏற்ற உணவுதான். ஆனால் 100 கிராம் பட்டாணி உண்ணும்போது ,   நாம் 80 கலோரிகளை பெறுவதால் அதை மனதில் கொண்டு அளவோடு உண்பது நல்லது.

 

4.ராஜ்மா / கிட்னி பீன்ஸ்

நீங்கள்  மிகவும் ஆரோக்கியம் என்று நினைத்துக் கொண்டிருக்கும் மற்றொரு உணவு பொருளான ராஜ்மா, சத்தம் போடாமல் உங்கள்  எடை குறைப்பு திட்டத்தை முறியடித்துக் கொண்டிருக்கிறது. மிகவும் எளிதாக கிடைக்கும் மாற்று உணவு பொருளான ராஜ்மாவில் குறைந்த கொழுப்புச்சத்தும், நிறைய நார்ச்சத்தும் அடங்கி இருப்பதால் , எடை குறைப்பிற்கு மிகவும் சரியான ஒரு உணவு என்று தவறாக எண்ணிக் கொண்டிருக்கிறோம். ஆனால் அது சரியல்ல. 100 கிராம் ராஜ்மா  333 கலோரிகளை அள்ளி வழங்குகிறது! அதனால் அடுத்தமுறை இதை உண்ணும் பொழுது கவனமுடன் உங்களுக்கு எவ்வளவு கலோரிகள் தேவை என்பதை கணக்கிட்டு அளவுடன் உண்ணவும்.

 

5.சுட்ட சோளம்

அனைவராலும்  விரும்பப்படும் சோளம் இரு வேளை சாப்பாட்டிற்கு இடைவேளையில் உண்ணப்படும் சிற்றுண்டி. ஆனால் சோளம் ஆற்றல் மிக்க 140 கலோரிகளை கொடுக்கிறது. தீவிர எடை குறைப்பு முயற்சியில் உள்ளவர்களுக்கு இது அதிகமே! இதில் வைட்டமின்கள்,தாதுக்கள், ஆன்டிஆக்ஸிடன்ட்கள் நிறைந்து இருப்பதால் சோளத்தை உண்ணும் பொழுது இதில் உள்ள  கலோரிகளை மனதில் கொண்டு, அதற்கேற்றவாறு மற்ற உணவு பதார்த்தங்களை சமன் செய்து உண்ண வேண்டும்.

 

எடையை குறைக்க உதவும் சில காய்கறிகள் பற்றி சிறு குறிப்பு கீழே கொடுக்கப்பட்டுள்ளது:

 

1.காரட்

எடையை குறைக்க விரும்புபவர்களுக்கு காரட் உண்பது மிக நல்லது. காரட்டை சமைத்தோ, பச்சையாகவோ எவ்வளவு வேண்டுமென்றாலும் உண்ணலாம். குறைந்த கலோரிகளும், நிறைய சத்துக்களும் அடங்கியுள்ளதால் காரட்டை வெறும் வயிற்றில், சாப்பாட்டிற்கு முன் உண்பது மிக நல்லது.

 

2.காலிப்ளவர்

எடை குறைப்பு முயற்சியில் உள்ளவர்கள் நாட வேண்டிய மற்றொரு காய்கறி காலிப்ளவர். அதிக நார்ச்சத்து உடையதால் வீக்கம் சம்பந்தப்பட்ட பிரச்னைகளுக்கு உகந்தது. மேலும் இதில் மாச்சத்து இல்லாததால் எவ்வளவு வேண்டுமென்றாலும் சாப்பிடலாம்.

 

3.ப்ரொகோலி

மிக மிக குறைந்த அளவில் மாச்சத்து கொண்டிருப்பினும், வயிறு நிறைய உண்டது போன்ற உணர்வை தருகிறது ப்ரோக்கோலி. எடை குறைப்பு முயற்சியில் உள்ளவர்களுக்கு தேவையான ஆற்றலை தரும் ப்ரொகோலியில் 90 சதவிகிதம் தண்ணீர் உள்ளதால் தினசரி இதை உண்ணலாம்.

 

4.காலே

நம் பசியை விரட்டி, வயிற்றை நிரப்பும் ஒரு அற்புதமான, குறைந்த கலோரியுடைய காய்கறி இந்த காலே! எடை கட்டுப்பாட்டிற்கு உதவும் , நார்ச்சத்து மிகுந்த ஒரு கிண்ணம் காலேயில் 33 கலோரிகளே உள்ளது.

 

மறுமொழி இடவும்

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன