Name: Red chilli pickle recipe by Kavitha Perumareddy in Telugu at BetterButter
Prep time: 20 min
Cook time: 20 min
Total time: 40 min
Yield: 5
Ingredients: పండుమిరప కాయలు పావుకేజీ; చింతపండు పెద్ద నిమ్మకాయ సైజ్; ఉప్పు తగినంత; నూనె 2 పెద్ద స్పూన్స్; పోపుగింజలు 2 స్పూన్స్; కరివేపాకు గుప్పెడు; వెల్లుల్లి 15 రెబ్బలు

పండుమిరప పచ్చడి రెసిపీ గురించి

ఈ పచ్చడి వేడి వేడి అన్నంలో నెయ్యి వేసుకొని తింటుంటే ఇంకా స్వర్గానికి బెత్తెడు దూరంలో ఉన్నట్టు ఉంటుంది. అంత బాగుంటుంది. కారం గా ఉన్నకూడా ఈ పచ్చడిని వదలకుండా తింటారు. పండుమిరప కారం వల్ల జీర్ణశక్తి పెరుగుతుంది.జీర్ణరసాలు వృద్ధి చెందుతాయి.

రెసిపీ ట్యాగ్

శాఖాహారం
మీడియం/మధ్యస్థ
ప్రతి రోజు
ఆంధ్రప్రదేశ్
మితముగా వేయించుట
పొడులు పచ్చడ్లు
పీచుపదార్థాలు ఘనంగా ఉన్నవి

కావలసినవి సర్వింగ: 5

పండుమిరప కాయలు పావుకేజీ
చింతపండు పెద్ద నిమ్మకాయ సైజ్
ఉప్పు తగినంత
నూనె 2 పెద్ద స్పూన్స్
పోపుగింజలు 2 స్పూన్స్
కరివేపాకు గుప్పెడు
వెల్లుల్లి 15 రెబ్బలు

సూచనలు

ముందుగా పండుమిర్చి కడిగి ఒక టవల్ మీద వేసి బాగా ఆరనివ్వాలి. తరువాత తొడిమలు తీసుకోవాలి.తొడిమెలు ముందే తీసి కడిగితే నీళ్లు లోపలికి పోయి ఇంకా పచ్చడికి పనికి రావు.పచ్చడి నిలువ ఉండదు.
ఇప్పుడు రోటిలో పండుమిర్చి తగినంత ఉప్పు వేసి బాగా దంచుకోవాలి. కొన్ని కొన్ని వేసుకుంటూ దంచుకోవాలి. అన్నీ వేసి దంచితే మెదగవు. పండుమిర్చి దంచిన తరువాత చింతపండు వేసి అంతా కలిపి బాగా దంచుకోవాలి.
ఇప్పుడు పోయిమీద బాండీ పెట్టి స్పున్ నూనె వేసి పోపుగింజలు, కరివేపాకు, చితక్కొట్టిన వెల్లుల్లిని వేసి పోపు వేగనిచ్చి అందులో దంచిన పచ్చడి వేసి కలిపి కాసేపు మగ్గనివ్వాలి. అంతే పచ్చడి రెడీ. చల్లారిన తరువాత ఒక జాడీలో భద్రపరుచుకోవాలి. 15 రోజులు ఐనా నిలువ ఉంటుంది.