मुख्यपृष्ठ / पाककृती / पनीर टिक्का मसाला

Photo of Paneer Tikka Masala by Razina Javed at BetterButter
2113
44
5.0(0)
0

पनीर टिक्का मसाला

Jul-28-2015
Razina Javed
0 मिनिटे
तयारीची वेळ
120 मिनिटे
कूक वेळ
4 लोक
सर्व्ह करावे
सूचना वाचा नंतरसाठी सेव करा

पनीर टिक्का मसाला कृती बद्दल

पनीर टिक्का मसाला ही एक संपन्न व अनोखी डीश आहे. यासाठी लागणार्‍या घटकांची यादी बघितली तर ही डिश बनविण्याची पद्धत खूप मोठी आहे. यासाठी मूलतः दोन टप्पे आहेत, आपण पहिल्यांदा पनीर टिक्का बनवून त्याचा आनंद घेऊ शकता, त्यानंतर कांदा, टोमॅटो, योगर्ट व ताजी मलाई घालून छान रस्सा बनवू शकता. या तयार झालेल्या डीशची चव बघितल्यावर केलेल्या कष्टाचे चीज झाल्यासारखे वाटते.

रेसपी टैग

  • व्हेज
  • डिनर पार्टी
  • इंडियन
  • मेन डिश

साहित्य सर्विंग: 4

  1. पनीर / काॅटेज चीज - 250 ग्रॅम ( चौकोनी तुकडे केलेले )
  2. कांदा - 1 ( मोठा चौकोनी चिरलेला )
  3. टोमॅटो - 1 मोठा ( बिया काढलेला चौकोनी चिरलेला )
  4. सिमला मिरची - 1 मोठी ( चौकोनी चिरलेली )
  5. भाजलेले हरभरा पीठ - 2 टेबल स्पून
  6. बांधून ठेवलेले दही - 1/4 कप
  7. आल्ले लसूण पेस्ट - 1 टी स्पून
  8. हळद - 1/4 टी स्पून
  9. काश्मीरी लाल मिरची पावडर - 1 टी स्पून
  10. धणे पावडर - 1 टी स्पून
  11. काळी मिरी पावडर - 1/4 टी स्पून
  12. गरम मसाला पावडर - 1 टी स्पून
  13. लिंबाचा रस - 1 टी स्पून
  14. चवीनुसार मीठ
  15. तेल - 4 टेबल स्पून
  16. कांदा - 1 मोठा ( पेस्ट )
  17. आल्ले लसूण पेस्ट - 1 टी स्पून
  18. जीरे - 1/2 टी स्पून
  19. टोमॅटो - 1 मोठा प्युरी केलेला
  20. वेलदोडे - 2
  21. दालचिनी - 1 इंच
  22. लवंगा - 2
  23. हळद पावडर - 1/4 टी स्पून
  24. काश्मीरी लाल मिरची पावडर - 1 टी स्पून
  25. धणे पावडर - 1 टी स्पून
  26. गरम मसाला पावडर - 1 टी स्पून
  27. कसुरी मेथी - 1/2 टी स्पून
  28. योगर्ट - 2 टेबल स्पून ( झटकलेले )
  29. ताजी मलाई - 2 टी स्पून
  30. सजविण्यासाठी - कोथिंबीर
  31. चवीनुसार मीठ
  32. तेल

सूचना

  1. मैरीनेट करण्यासाठी : एका बाऊलमध्ये आल्ले लसूण पेस्ट, काश्मिरी मिरची पावडर, धणे पावडर, काळी मिरी पावडर, गरम मसाला पावडर, लिंबाचा रस आणि मीठ एकत्रीत करावे आणि चांगल्या प्रकारे मिसळून घ्यावे.
  2. उच्च आचेवर तेल गरम करावे, आंच बंद करावी आणि हळद टाकावी .
  3. आता पनीरचे तुकडे आणि चिरलेल्या भाज्यांचे तुकडे टाकून त्याना मसाला व्यवस्थित लागल्याची खात्री करावी .
  4. हे कमीत कमी 2 तास फ्रीजमध्ये ठेवावे, त्यानंतर ते बाहेर काढून त्याला रूम तापमानात येऊ द्यावे.
  5. मॅरीनेट केलेले पनीर आणि भाज्या आळीपाळीने सळईला लावाव्यात.
  6. अगोदर 200 सी उष्णता असलेल्या ओव्हनमध्ये 15-20 मिनिटे किंवा पनीर व भाज्या तांबूस होईपर्यंत ग्रील कराव्यात.
  7. रश्श्यासाठी : कढईत तेल गरम करून त्यात वेलदोडे, दालचिनी, लवंगा आणि जीरे टाकावे. तडतडायला सुरू होईपर्यंत तळावे.
  8. कांद्याची पेस्ट टाकून सोनेरी तांबूस रंग येईपर्यंत परतावे.
  9. आता आल्ले लसूण पेस्ट घालून काही मिनिटे परतावे, त्यानंतर प्युरी केलेले टोमॅटो घालून उच्च तापमानात 1 मिनिटे शिजवावे.
  10. त्यात धणे पावडर, काश्मिरी लाल मिरची पावडर, हळद, गरम मसाला व मीठ घालावे. तेल वेगळे होईपर्यंत शिजवावे.
  11. योगर्ट घालून चांगले ढवळावे. पाणी टाकून रस्सा घट्ट व्हायला सुरुवात होईपर्यंत 5 मिनिटे शिजवावे. सुसंगती जुळवून घ्यावी.
  12. ताजी मलाई व कसुरी मेथी टाकून चांगले ढवळावे. हळु हळु पनीर टिक्का आणि भाज्या मिसळाव्यात आणि हलकेच ढवळावे .
  13. कोथिंबीरीने सजवून गरमागरम खायला द्यावे.

रिव्यूज (0)  

आपण या रेसिपीला कसे रेटिंग द्याल? कृपया आपले रिव्यू सबमिट करण्यापूर्वी एक स्टार रेटिंग प्रविष्ट करा.

रिव्यु सबमिट करा
A password link has been sent to your mail. Please check your mail.
Close
शेर