Whey-Nuts Pancake

வே செய்ய: பாலைக் கொதிக்க விட்டு எலுமிச்சை சாறு ஊற்றவும். பால் திரியும். அதை வடிகட்டி தண்ணீர் மாதிரி இருக்கும் வே யை மட்டும் எடுத்துக்கொள்ளவும்.

ஹோம்மேட் நட்ஸ் பொடி செய்ய: பாதாம், நிலக்கடலை, பொரிகடலை, பிஸ்தா, முந்திரி இவற்றை சம அளவிலோ விருப்பமான அளவிலோ எடுத்து, ஒவ்வொன்றையும் தனித்தனியாக வறுத்து, பின்னர் சேர்த்து மிக்ஸியில் பொடித்து, பிரிட்ஜில் சேமித்துக் கொள்ளவும். இதை தினமும் 1-2 டேபிள் ஸ்பூன் வீதம் குழந்தைகளுக்குப் பாலில் கலக்கியோ, வேறு உணவுகளில் சேர்த்தோ கொடுத்து வரலாம்.

பேன் கேக் செய்ய: ஒரு பவுலில் கோதுமை மாவு, பேக்கிங் சோடா/பவுடர், உப்பு, நட்ஸ் பொடி சேர்த்து கலந்து கொள்ளவும். இதனுடன் வே, முட்டை, தேன், உருக்கிய வெண்ணெய் 1 ஸ்பூன் சேர்த்து விஸ்க் செய்யவும். தோசை மாவு பதத்தில் மாவு கிடைக்கும்.

அடுப்பில் ஒரு பேனை வைத்து, சிறிது வெண்ணெய் ஊற்றி பரப்பி, ஒரு கரண்டி நிறைய பேன் கேக் மாவை எடுத்து திக்காக ஊத்தப்பம் மாதிரி ஊற்றவும்.

சிம்மில் அல்லது மீடியம் பிளேமில் வைத்து இரு புறமும் கோல்டன் ப்ரவுன் ஆகும் வரை சுட்டு எடுக்கவும்.

பின்னர், பிளேட்டில் வைத்து தேன் அல்லது விருப்பமான ஹோம் மேட் ஜாம்/சாஸ் வைத்து பரிமாறவும்.

சூப்பர் சுவையுடன் சத்தான வே நட்ஸ் பேன் கேக் தயார். இதைக் காலை உணவு/இடைநேர உணவு/மாலை நேர ஸ்நாக்ஸ் ஆகப் பரிமாறலாம்.